skol

U Rwanda rwavuze ku birego bya RDC byo koherezayo ingabo zidasanzwe 500

Amakuru   Yanditswe na: Dusingizimana Remy 9 June 2022

Ingabo za Repuburika ya demokarasi ya Kongo, zirarega u Rwanda kwohereza abasilikare badasanzwe 500 biyoberanyije, ku butaka bwa Kongo.

Umuvugizi w’ingabo z’u Rwanda, yabwiye ibiro ntaramakuru byo mu Bwongereza, Reuters, ko ayo makuru ari amahimbano. Umuvugizi wa guverinema, yabwiye Reuters u Rwanda rutasubiza ku birego bidafite shingiro.

Mu itangazo, igisirikare cya Kongo cyavuze ko abasirikare 500 b’u Rwanda batojwe ku buryo budasanzwe, bambaye impuzankamo y’ibara riri hagati y’icyatsi kibisi n’umukara, idasa n’izo basanzwe abanyarwanda bambara, boherejwe mu karere ka Tshanzu mu ntara ya Kivu ya ruguru, ihana imbibi n’u Rwanda.

Iri tangazo ryahamagariye abaturage bo mu karere, gushishoza kandi bagatanga amakuru ku muntu uwo uwo ari we wese, babona yambaye impuzankamo ifite ayo mabara.

Itangazo ry’ingabo za Kongo ryanavuze ko abarwanyi ba M23, bashyigikiwe n’u Rwanda, bagabye igitero ku ngabo z’amahoro za ONU mu karere ka Rutshuru mu ntara ya Kivu ya ruguru, kandi ko abasilikare b’amahoro ba Tanzaniya bakomeretse.

U Rwanda rwahakanye gushishyikira umutwe wa M23. Intumwa za ONU muri Congo, ntizahise zisubiza ubwo zari zisabwe na Reuters, kugira icyo zitangaza.

Imirwano iheruka kuba mu burasirazuba bwa Kongo yatumye abantu bsaga ibihumbi icumi bahunga ingo zabo mu karere kataruhutse kubamo intambara kuva u Rwanda na Uganda byakinjiramo muri1996,kiganjemo imitwe yitwara gisirikare.

Reuters

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Uyu munsi turi gihugu cyahindutse mu mutima, mu bitekerezo no ku...

Ubwo yatangizaga ku mugaragaro inama y’abakuru b’ibihugu bigize umuryango wa...
24 June 2022 0

Abagize inama nyobozi yaguye mu Umuryango PAM bahagurukiye kwigisha...

Umuryango uharanira ubwigenge n’iterambere ry’afurika ishami ry’u Rwanda PAM...
20 June 2022 0

Inyeshyamba za FLN zategeye imodoka itwara abagenzi muri Nyungwe zihitana...

Abakekwaho kuba inyeshyamba za FLN barashe ku mudoka itwara abagenzi muri...
18 June 2022 3

M23 yarashe indege ya FARDC yari ibagabyeho igitero

Umutwe wa M23 wavuze ko warashe indege y’igisirikare cya Repubulika...
17 June 2022 1

RDF yavuze ku musirikare wa RDC warasiwe ku mupaka w’u Rwanda ari kurasa...

Mu gitondo cyo kuri uyu wa Gatanu, umusirikare wa DRC witwaje imbunda...
17 June 2022 0

Umusirikare wa Kongo yarasiwe ku butaka bw’u Rwanda

Muri iki gitondo cyo kuwa 5, ahagana saa 9h30,Umusirikare w’igisirikare cya...
17 June 2022 5