skol

U Rwanda rwavuze ku bivugwa ko abapolisi b’u Rwanda bari I Goma

Amakuru   Yanditswe na: Dusingizimana Remy 22 December 2021

Umuvugizi wa Polisi y’u Rwanda CP. John Bosco Kabera yasubije mu buryo bweruye ko nta bapolisi b’u Rwanda bari mu gihugu cya RDC nkuko abaturage bacyo baheruka gukora imyigaragambyo babivuga.


Ku wa Mbere, ni bwo imyigaragambyo yadutse mu Mujyi wa Goma bivugwa ko abaturage bigaragambije kubera umutekano muke n’abapolisi b’u Rwanda bashobora kuba bagiye koherezwa muri uyu mujyi.

Abiraye mu mihanda bavugaga ko badashaka abapolisi b’u Rwanda muri RDC, bakanasaba Umuyobozi wa Polisi muri icyo Gihugu gusobanura neza ibikubiye mu masezerano yasinye.

Kuri uyu wa Kabiri taliki ya 21 Ukuboza, ubwo yasubizaga ibibazo byanditse ku bijyanye no kumenya niba muri Congo hari abapolisi bo mu Rwanda, CP J.Kabera yagize ati: “Oya.”

Mu minsi ishize, amakuru yakwirakwijwe ku mbuga nkoranyambaga avuga ko Umuyobozi wa Polisi ya Repubulika Iharanira Demokarasi ya Congo General Amuli Bahigwa Dieudonnée yasinyanye amasezerano na mugenzi we w’u Rwanda IGP Dan Munyuza kugira ngo abapolisi b’u Rwanda boherezwe i Goma.

Icyo gihuha yubakiwe ku makuru y’uruzinduko rw’iminsi itatu rwa Gen. Amuli Bahigwa Dieudonnée rwatangiye ku ya taliki ya 13 Ukuboza 2021, ahasinywe amasezerano y’ubufatanye bwa Polisi z’ibihugu byombi mu bijyanye no guhanahana amakuru no kurwanya ibyaha byambukiranya imipaka.

Amakuru atangazwa n’ibinyamakuru byo muri icyo gihugu, avuga ko iyo myigaragambyo yahitanye abantu bane, barimo abapolisi batatu n’umusivili umwe, hakomereka 17 barimo abasivili 12 n’abapolisi batanu.

Nyuma yo guhagarika imyigaragambyo, Minisitiri w’Itumanaho n’Itangazamakuru muri DRC akaba ari na we Muvugizi wa Guverinoma Patrick Muyaya, yashimangiye ko inkomoko y’akajagari ishingiye ku bakwirakwije inkuru mpimbano no guhindura ukuri kw’ibyabaye.

Ati: “Ibyabereye mu Mujyi wa Goma ni gihamya yerekana akaga ko gukwirakwiza amakuru y’ibinyoma. Nta foto ndetse nta kindi kimenyetso cyerekana ko hari abapolisi bo mu Rwanda baje cyangwa bazoherezwa muri RDC. Ibyo tubona ni uguhindura imitekerereze y’abaturage mu nyungu za bamwe gusa.”

Yakomeje ashimangira ko amasezerano yasinywe hagati ya Polisi y’u Rwanda n’iya RDC ari kimwe mu bigize ubufatanye bwa Polisi zo mu Muryango w’Afurika y’Iburasirazuba (EAC) cyane ko iki gihugu cyitezweho gushyira umukono ku masezerano acyemerera guhinduka umunyamuryango wa EAC wa karindwi kuri uyu wa Gatatu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rwamagana: Yatemye umuturanyi we nyuma yo gukeka ko amusambanyiriza...

Umugabo wo mu Murenge wa Gahengeri mu Karere ka Rwamagana, yashatse gutema...
23 January 2022 0

U Rwanda rwaje ku mwanya wa 6 ku isi mu bihugu bitekanye ku bagenzi bagenda...

Ubushakashatsi bwakozwe n’ikigo Bounce (usebounce.com) bwashyize u Rwanda ku...
21 January 2022 0

Uganda: Abagore bahagaritswe kwicarana imbere n’abashoferi b’amakamyo mu...

Abacuruzi b’abagore muri Uganda ntibazongera kwemererwa kwicara hamwe...
21 January 2022 0

Kayonza: Abakobwa 2 bari inshuti bapfuye umusore umwe atera mugenzi we...

Abakobwa babiri bari mu kigero cy’imyaka 28 bo mu Karere ka Kayonza mu...
21 January 2022 0

Musanze: Abagabo babiri batawe muri yombi bakekwaho gutema inka...

Abagabo babiri bo mu Karere ka Musanze, Umurenge wa Kinigi, batawe muri...
20 January 2022 0

Rubavu:Urundi rubyiruko rwishyize hamwe rwakubise umuturage...

Bamwe mu bandi bantu bigize intagondwa mu karere ka Rubavu bishyize hamwe...
20 January 2022 0