skol

Umukandida ushyigikiwe na Perezida Kabila wa Kongo ibihano bye byongerewe

Amakuru   Yanditswe na: Nsanzimana Ernest 11 December 2018

Umuryango w’Ubumwe bw’Uburayi wahamishijeho ibihano ku bategetsi bo muri Repubulika ya Demokarasi ya Kongo ushinja kugira uruhare mu bikorwa byo guhonyora uburenganzira bwa muntu.


Mu gihe cy’undi mwaka, aba bategetsi 14 ntibemerewe kwinjira mu gihugu icyo ari cyo cyose mu bihugu 28 bigize umuryango w’Ubumwe bw’Uburayi, kandi imitungo bafite muri ibyo bihugu nayo ifatirwe.

Muri aba bahanwe, harimo na Emmanuel Ramazani Shadary, umukandida-perezida mu matora ateganyijwe kuba ku itariki ya 23 y’uku kwezi kwa cumi na kabiri.

Ni we Perezida Joseph Kabila wa Kongo yifuza ko yamusimbura ku butegetsi.

André Alain Atundu Liongo, umuvugizi w’urugaga rw’amashyaka ari ku butegetsi muri Kongo ari na rwo rwatanze Bwana Shadary nk’umukandida-perezida, yamaganye icyo yise kwivanga mu matora ya Kongo k’umuryango w’Ubumwe bw’Uburayi.

Aganira n’umunyamakuru wa BBC Poly Muzalia, Bwana Liongo yagize ati: "Uku ni ukumushyira mu kato...mu gihe ari umuntu ufite ubushobozi kandi ugaragaza gahunda ihamye yo kuyobora igihugu cyacu.

"Ubu ni uburyo bwo kwivanga mu bikorwa by’amatora no kugena rwose uko abaturage bazatora, badatora Bwana Shadary".

Yongeyeho ati: "Amahirwe tugira ni uko abaturage bari maso kandi baburiwe, bakaba bazabasha kwitorera uwo bashaka aho kuba uwo ibihugu by’umuryango w’Ubumwe bw’Uburayi bishaka..."
Amakuru avuga ko mu cyumweru gishize, Léonard She Okitundu, minisitiri w’ububanyi n’amahanga wa Kongo, yasabye Federica Mogherini, ushinzwe ububanyi n’amahanga mu muryango w’Ubumwe bw’Uburayi, ko uyu muryango wakuriraho ibihano Bwana Shadary mbere yuko amatora ya perezida aba.

Mu kwezi gushize kwa cumi na kumwe, umuryango w’Ubumwe bw’Afurika na wo wari wasabye ko ibyo bihano byakurwaho.

Author : Nsanzimana Ernest

Nsanzimana Ernest ni Umwanditsi w’Ikinyamakuru Umuryango. Afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

U Rwanda rwavuze icyo rwiteguye gukora igihe intambara yo muri RDC yakomeza...

Umuvugizi wungirije wa Leta y’u Rwanda, Alain Mukurariranda yabwiye Ijwi...
27 May 2022 0

Nsabimana Callixte "Sankara"yahaye ubutumwa abo bakoranaga muri FLN...

Nsabimana Callixte uzwi nka Sankara wakatiwe igifungo cy’imyaka 15 kubera...
26 May 2022 0

Kigali: Hatawe muriyombi abasore 12 bigize abajura b’amatelefone mu buryo...

Polisi y’u Rwanda ikorera mu mujyi wa Kigali , yatangaje ko kuri uyu wa...
26 May 2022 0

Musanze: Abaturage bakutse umutima kubera ibisasu byabaguyeho biturutse RDC...

Minisitiri w’Umutekano mu Gihugu, Alfred Gasana yahumurije abaturage bo mu...
25 May 2022 0

RDF yasabye iperereza ryihuse ku bisasu byageze mu Rwanda biturutse muri...

U Rwanda rwasohoye itangazo risaba urwego rw’ingabo z’Akarere zishinzwe...
23 May 2022 0

Nyanza: Wa mugabo uheruka kwica umugore we amuziza imitugo yarasiwe muri...

Umugabo witwa Ndahayo Jean w’imyaka 43 watawe muri yombi tariki 18 Gicurasi,...
23 May 2022 1