skol

Aime Uwisize yatanze impamvu yasibishije igishushanyo cyari kiriho ifoto ya Jay Polly[Amafoto]

Imyidagaduro   Yanditswe na: Rebecca UFITAMAHORO 22 September 2021

Umuyobozi w’umudugudu w’Umushumbamwiza aho iyo foto yari iherereye mu kiganiro yagiranye n’Inyarwanda dukesha iyi nkuru yasobanuye impamvu yatumye gisibwa.


Hashize iminsi hacicikana amafoto y’igishushanyo kiriho ifoto ya nyakwigendera Jay Polly cyari cyarashyizwe ku muhanda uherereye mudugudu w’Umushumbamwiza mu kagari ka Kanombe Umurenge wa Kanombe ho karere ka Kicukiro, ubu cyamaze gukurwaho n’ubuyobozi bw’uwo mudugudu.

Aime Uwisize umuyobozi w’umududu , watanze itegeko ryo gusiza iki gishushanyo cya Jay Polly akabikora ku bufatanye na Gitifu w’Akagari ka Kanombe, mu Kiganiro yagiranye n’Inyarwanda dukesha iyi nkuru yatanze impamvu nyamukuru yatumye gisibwa.

Yagize ati" yagize ati: "Impamvu rero twebwe twafashe gahunda yo kugisiba, ubundi icyapa cyose cyagenewe kujya nk’ahantu runaka bagisabira uburenganzira umujyi wa Kigali. Ariko noneho iyo bagiye gushyiraho kiriya cyapa baraza natwe bakatubwira nk’umuyobozi w’umudugudu".


Iki gishushanyo cyatumye uyu muhanda witirirwa Jay Polly

Yakomeje agira ati: "Icyo gihe nanjye nkamenya ngo iki cyapa kiraha ni icya runaka bigenze gutya gahunda zose za Leta ngomba kuzimenya. Rero kiriya cyapa bagishyira hariya twayobewe uwakihashyize ntitunamuzi nu’wakizanye, ntituzi n’uwagishushanyije, twakibonye bacyometse ku gikuta cy’umuturage bitubera ikibazo ni yo mpamvu twagisibye".

Umunyabugeni Rwigema we amaze guhanga iki gishushanyo yari yatangaje ko urukuta rw’inzu cyari kiriho yari yabanje kubisabira uburenganzira ba nyiri nzu. Ibi bitandukanye n’ibyo uyu muyobozi yakomeje avuga kuko yashimangiye ko ba nyiri inzu ubwabo batamenye uko cyashyizweho.


Ahari ifoto ya Jay Polly uko hasigaye hasa

Yagize ati: "Bariya babyeyi batubwiye y’uko batamenye n’ukuntu byanditseho, nta n’ubwo bari bazi ko ari ifoto ya Jay Polly bari bushyireho". Yakomeje avuga ko nta makuru ba nyiri inzu bari bafite kuko iyo baza kuba bayafite baba barabimumenyesheje cyane ko akunda kubaba hafi.

Yongeye gushimangira ko iyo hari icyapa runaka ugisabira uburenganzira umujyi wa Kigali hanyuma mbere yo kugishyiraho ukabimenyesha n’ubuyobozi bw’aho agiye kugishyira. Avuga ko byarangiye umubeyi w’umumama wo muri uru rugo ariwe ubahaye aburenganzira bwo kugisiba, maze gisibwa n’umusore wo muri uru rugo w’imyaka 19. Aho cyari kiri yahasize amarange y’umukara aba bayobozi baje bitwaje.

Ku rundi ruhande Rwigema wagihanze afite akababaro gakomeye kuko ngo bagisibye batanabimumenyesheje nk’uko yabisobanuye mu kiganiro twagiranye. Yabanje gusobanura uko byagenze ngo amenye aya amakuru. Yavuze ko yari aryamye yabyuka agasanga abantu bamuhamagaye ari benshi barimo n’umunyamakuru wa RBA Lucky Nizeyimana wakoranye nawe ikiganiro kuri iki gishushanyo.

Ngo kubera ko ari we yari azi yahise amuhamagara, maze Lucky aramubaza ngo igishushanyo bagisibye?, undi amubwira ko atabizi, bahita bahana gahunda yo guhurira aho cyari kiri ngo barebe.

Rwigema wari warahanze iki gishushanyo

Mu kuhagera ngo basanze bamaze kugisiba nk’uko Rwirangira akomeza abisobanura ati: "Nahageze nsanga barangije kugisiba tubajije baratubwira ko ngo umuyobozi w’umudugudu n’umuyobozi w’akagari ngo nibo baje barabategeka ngo bahasibe. Yabwiye uwo mwana wo muri ruriya rugo aba ariwe uhasiba".

Yakomeje asobanura andi makuru yahawe yatumye bagisiba ati" We yagisibye avuga ngo ndikwamamaza kandi nta burenganzira ngo mfite bwa RDB". Uyu munyabugeni yavuze ko nta kintu na kimwe we ari kwamamaza uretse guha icyubahiro Jay Polly, yibaza impamvu ahandi yagiye ashyira ibishushanyo ku mihanda bitasibwe.

Yashimangiye ko mu karere ka Kicukiro cyari giherereyemo yahashushanyije n’ikindi kandi ngo ntawigeze agisiba. Rwigema imvugo ye yanyuranyije n’uyu muyobozi kuko yongeye gushimangira ko aho yagishushanyije yari yarahaherewe uburenganzira na banyiri nzu, ati: "Ndabazi turaziranye banahampaye banzi". Umuyobozi w’Akagari n’uw’umudugudu ngo baza kugisiba, baje bitwaje iranjye rifunze".

Umunyabugeni Rwigema yavuze ko yahanze iki gishushanyo cya Jay Polly mu rwego rwo kwifanyana n’abo mu muryango we n’abakunzi be anashimangira ko nawe ubwe yari asanzwe akunda cyane indirimbo za nyakwigendera Tuyishime Joshua [Jay Polly].

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Igisupusupu yasohoye indirimbo yo gushima Imana yakoranye n’abakobwa...

Umuhanzi Nsengiyumva Francois wamamaye ku ndirimbo " Igisupusupu” yasohoye...
16 October 2021 0

Ihere ijisho amafoto y’ibyamamarekazi nyarwanda yabiciye bigacika kuri...

Muri iki cyumweru turimo gusoza, ibyamamarekazi nyarwanda batandukanye...
16 October 2021 0

Hamenyekanye ukuri kose k’ubukwe bwa Marina na Yvan Muziki bwavugishije...

Hashize Iminsi hacicikana amafoto y’ubukwe agaragaza Marina na Yvan Muziki...
15 October 2021 0

Sandrine Isheja yasazwe n’ibyishimo ubwo yatungurwaga n’umugabo we muri...

Sandrine Isheja usanzwe ari umunyamakuru w’imyidagaduro kuri Kiss FM,yasazwe...
15 October 2021 0

Ikimero n’ubwiza budasanwe bwa Beyonce byazamuye amaragamutima ya...

Abakunzi b’umuhanzikazi Beyonce bongeye gucika ururondogoro kubera ubwiza...
15 October 2021 0

Bwa mbere Omah Lay agiye gutaramira abanyarwanda

Umuhanzi Omah Lay wakunzwe cyane mu ndirimbo ‘Godly’ agiye gutaramira...
14 October 2021 0