skol

Alliah Cool yemereye ubufasha umugore uba mubuzima bugoye –Kumunsi mukuru w’abagore

Imyidagaduro   Yanditswe na: Rebecca UFITAMAHORO 8 March 2022

Isimbi Alliance wamenyekanye muri Sinema Nyarwanda nka Alliah Cool, yemereye ubufasha umukobwa witwa Mukanoheli Gaudance w’imyaka 22, waririye imbere y’itangazamakuru avuga ubuzima yakuriyemo.


Uyu mukobwa yabivugiye mu gikorwa Isimbi aheruka gukora cyo kungurana ibitekerezo n’abagore bagenzi be, kuri uyu wa Mbere tariki 7 Gashyantare 2022 muri Onomo Hotel.

Mukanoheli yavuze ko yakuze nabi kubera ko atigeze arerwa n’ababyeyi be bombi, kuko batandukanye akiri muto we na musaza we.

Ati “Ntabwo twakunze n’ababyeyi kubera data yatandukanye na mama batandukanye mfite imyaka ine. Twakuriye mu miryango. Mama yafashe umwanzuro kuturera wenyine njye na musaza wanjye. Tugeze mu myaka dutangiye gukura araduta. Twasigaye mu buzima bubi.”

Yavuze ko kuva nyina yabata we na musaza we batangiye kubaho nabi baba mu nzu nto cyane, bagafashwa n’ubuyobozi bw’inzego z’ibanze.

Ati “Twabayeho nabi ha handi twicwa n’inzara. Mama akimara kugenda njye nk’umukobwa natangiye kubona isi, kubona abantu kuko bose siko badukundaga. Mu mudugudu nibo badufashaga. Twabaga Kacyiru, mu kazu gatoya cyane n’ubu iyo mbyibutse agahinda karanyica.”

Yongeyeho ati “Ako kazu iyo nshaka kwibuka ibyanjye njyayo. Nabonaga abandi bana babayeho neza nkavuga nti ‘njye nakoze iki?”

Uyu mukobwa avuga ko umurenge ariwo wabakuye muri ako kazu babagamo. Ngo uretse umurenge bagiye babona abantu babafasha bajya kwiga mu mashuri yisumbuye ariko ntiyabasha kuyarangiza.

Ati “Musaza wanjye yageze aho ajya mu gisirikare naho njye mu gihe nari ngeze mu mwaka wa gatanu w’amashuri yisumbuye mpitamo kuba ndetse ishuri. Ntabwo ari uko nangaga ishuri ahubwo nabonaga bigoye kubona amafaranga y’ishuri.”

Mukanoheli afite inzozi zo kuba icyamamare ndetse akazafasha ababayeho mu buzima nk’ubwo yabayeho.

Umukinnyi wa filime, Alliah Cool yavuze ko uyu mukobwa agiye kumubera umubyeyi akamufasha muri sinema ndetse avuga ko filime ye ikurikira agomba kumushakiramo ‘umwanya’ azakina.

Ati “Iyo ugiye gufasha umuntu umufasha ku kintu yiyumvamo. Nasanze afite inzozi zo kuba icyamamare muri sinema. Nzakoresha amahirwe mfite muri uwo mwuga kugira ngo inzozi ze zibe impamo. Nzagerageza filime ikurikira nzashyira hanze azagaragaremo.”

Iki gikorwa Alliah Cool yari yateguye uyu mukobwa yatangiyemo ubuhamya bwe, yavuze ko cyari kigamije guhuza abagore n’abakobwa.

Ati “Nk’umunyarwandakazi nifuje guhura n’abandi banyarwandakazi yaba abamaze kugira aho bagera n’abandi bacyishakisha kugira ngo duhane amakuru, atandukanye tunagirane inama.”

Ku wa 11 Gashyantare 2022, Alliah Cool ubarizwa mu kigo cy’Abanya-Nigeria, One Percent International MGT, yatangajwe muri ba Ambasaderi b’Umuryango w’Abibumbye bashinzwe kugarura amahoro ku Isi [UN eminent peace ambassador].

Iki gikorwa yakoze kuri uyu wa Mbere kikaba kiri mu mujyo w’ibyo ashaka gukora biri mu murongo wo gusakaza amahoro mu bantu.

Yavuze ko igikorwa yakoze kigamije gufasha abagore gufunguka mu mutwe bakamenya uko babyaza umusaruro amahirwe babonye bityo bakabaho neza kuko amahoro ya mbere ahera mu nda. Iki gikorwa yakoze cyari kirimo abagore n’abakobwa 59.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ihere ijisho uburanga bwa Kourteny Kardashian uherutse gusezerana na...

Mu mafoto atandukanye ihere ijisho uburanga bwa Kourtney Kardashian ukomoka...
19 May 2022 0

Ibya Miss Rwanda bikomeje kuzamba !Umwe mubakobwa bitabiriye iri rushanwa...

Nyuma y’ifungwa ry’umuyobozi wa Rwanda Inspiration Back Up ryateguraga...
19 May 2022 0

Sheebah Karungi agiye guhishura umuyobozi ashinja ko yamuhohoteye

Umuhanzikazi ukomoka mu Gihugu cya Uganda wamamaye nka Sheebah Karungi...
19 May 2022 0

Uburanga bw’abakobwa babiri bitabiriye Miss Rwanda bari guca ibintu i...

Bimenyerewe ko irushanwa rya Miss Rwanda ari irushanwa ritanga amahirwe...
19 May 2022 0

Kaze neza! Clarisse Karasira yongeye guhurira mu ndirimbo n’umugabo we baha...

Umuhanzikazi umaze kwigarurira imitima ya benshi mu njyana gakondo uzwi nka...
18 May 2022 0

Ntibisanzwe: MC yaryoheje ibirori ahembwa kuryamana n’umugeni nyuma...

Umugabo ukora akazi k’ubushyushyarugamba mu birori (MC) yahishuye uburyo...
18 May 2022 0