Umutoza w’Ikipe y’Igihugu, Adel Amrouche, yahamagaye abakinnyi 23 azifashisha ku mikino yo gushaka itike y’Igikombe cy’Isi cya 2026, u Rwanda ruzahuramo na Bénin na Afurika y’Epfo tariki ya 10 n’iya 14 Ukwakira 2025.

Ni urutonde rugaragaraho umukinnyi umwe wahamagawe bwa mbere, Joy-Lance Mickels ukinira Sabah AFC yo mu Cyiciro cya Mbere muri Azerbaijan.

Abandi bahamagawe ni abanyezamu Ntwari Fiacre, Ishimwe Pierre na Buhake Clement Twizere.

Ba myugariro ni, Niyomugabo Claude, Nshimiyimana Emmanuel, Mutsinzi Ange, Manzi Thierry, Nkulikiyimana Darryl Nganji, Kavita Phanuel, Byiringiro Jean Gilbert na Nshimiyimana Yunusu.

Mu kibuga hagati harimo Bizimana Djihad, Mugisha Bonheur, Muhire Kevin, Ruboneka Jean Bosco, Ishimwe Anicet na Hamon Aly-Enzo.

Ba rutahizamu ni Nshuti Innocent, Kwizera Jojea, Biramahire Abeddy na Gitego Arthur.

U Rwanda ruzakira Bénin tariki ya 10 Ukwakira kuri Stade Amahoro, mbere yo gusoza iyi mikino rusura Afurika y’Epfo ku wa 14 Ukwakira 2025.

Aya makipe ahuriye mu Itsinda C riyobowe na Bénin ifite amanota 14 inganya na Afurika y’Epfo. Nigeria n’u Rwanda zinganya 11, Lesotho ya gatanu ifite amanota icyenda na Zimbabwe ya nyuma ifite ane.