skol

Bimwe mu bintu abantu benshi bakunze kwibeshyaho iyo bari murukundo

Imyidagaduro   Yanditswe na: ISHIMWE JANE 10 May 2022

Abantu benshi bakunze gukomereka bari mu rukundo bitewe nuko hari ibyo baba bateganya kubona ntibabibone ariko na none usanga akenshi biterwa no kwibeshya ko urukundo ari paradizo ugasanga bateganya guhura n’ibyiza gusa ibibi byaza ntibabashe kubyakira.


Urubuga sitefeminin.com rugaragaza ibintu 4 usanga abantu bibeshya cyangwa se batekereza uko bitari ku rukundo. Ibyo bintu ni ibi bikurikira:

1.Kumva ko uwo muri kumwe mu rukundo mugomba guhuza imiterere, imyumvire n’ibibashimisha

Ibi ngo usanga benshi babyibeshyaho ariko burya ngo si ko biri kuko uwo mukundana ntabwo aba agomba kuba impanga yawe cyangwa se fotokopi yawe, byanze bikunze hari byinshi uzasanga mudahuriyeho gusa ariko ngo icyo ugomba kumenya ni uko mugomba koroherana no kuzuzanya, mugahurizamo hagati, ibyo utazi neza we ashobora kuba abizi akagufasha, niba afite ibyo akunda atari byo ukunda mugomba gushakisha bimwe na bimwe muhuriraho ubundi umwe akagenda yishimira n’ubuzima bwe bwite akagira ubwigenge.

2.Kwibwira ko niba ugihura n’umuntu, uburyo yakwitwayeho n’imico yakweretse bihita bikwereka ko yagukunda urukundo rw’ukuri cyangwa se ko yakuryarya

Ibi ngo usanga abantu benshi babyibeshyaho kuko ngo urukundo nyakuri ntushobora kurubona k’umuntu muhuye bwa mbere kuko uko akwiyeretse atari ko ashobora kuba ameze. Ushobora kubona umuntu agufitiye urukundo nyakuri ariko ntubashe guhita ubibona bitewe n’uburyo yarezwe, aho yabaye, uko ateye n’ibindi, hanyuma hakabaho n’abandi usanga bahita bashyuha cyane nyamara ari indyarya cyangwa se bakubeshya bitewe n’inyungu bo bifitiye nyamara urukundo ntarwo.

3. Kwibwira ko urukundo nyakuri buri gihe rutera umunezero

Iki ngo usanga ari ikintu abantu bibeshya aho usanga niba umuntu yagiranye ikibazo n’umukunzi we atangira gutekereza ko nta rukundo amufitiye n’ibindi bitekerezo binyuranye ariko ngo si ukuri kuko ntazibana zidakomanya amahembe, umwe ashobora gukosereza undi ahubwo ikikubwira ko agukunda urw’ukuri ni uko akwihanganira mu makosa nawe ukamwihanganira, mukumvana ndetse mukanababarirana kandi ntimurwarirane inzika.

4.Kwibeshya ko utazigera na rimwe urwanira cyangwa se uharanira kubona uwo ukunda, kwiyumvisha ko uwawe ahari kandi ko uzamubona bitakugoye

Ibi ngo si ukuri kuko kubona umukunzi bisaba n’uruhare rwawe kuko bisaba ko ushakisha umuntu ufite urukundo kandi ariko mukanahuza muri byinshi kugira ngo mubashe gufatanya urugendo rw’urukundo mutanyuranya. Naho niwibwira ko uziyicarira umukunzi nyakuri akakwizanira ngo rwose uzasanga waribeshye cyane.

Author : ISHIMWE JANE

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ariel Wayz na Bwiza batunguranye nyuma y’ibibazo bisanzemo

Umuhanzikazi Ariel Wayz na mugenzi we Bwiza nyuma yo kwisanga mu bibazo...
25 June 2022 0

Umuyobozi wa AWF yifashishije indirimbo ’Nywe’ mu kugaragaza imbaraga u...

Umuyobozi w’Ikigo Nyafurika gishinzwe kwita ku binyabuzima biba mu...
24 June 2022 0

Amafoto: Igikomangoma Charles yitabiriye ibirori bya Rwanda Fashion...

Mu mafoto atandukanye reba ibyaranze ibirori bya Rwanda Fashion Week...
24 June 2022 0

Kizz Daniel yahishuye ko yifuza kuririmba mu gikombe cy’Isi indirimbo ye iri...

Umuhanzi ukunzwe na benshi ukomoka mu Gihugu cya Nigeria wamamaye nka Kizz...
24 June 2022 0

Muri Miriyari zituye isi ni wowe unyura! Urukundo ruravuza ubuhuha kwa...

Ngabo Medard Umuhanzi Nyarwanda umaze kubaka izina rikomeye hano mu Rwanda...
24 June 2022 0

Urukundo rwa Diamond na Zuchu birakekwa ko rwajemo agatotsi

Nyuma y’uko Umuhanzi ukomeye muri Tanzania no muri Afurika muri rusange...
24 June 2022 0