Umwe mu bayobozi bakuru b’idini ya Islam mu mujyi wa Dar es Salaam muri Tanzania, Sheikh Alhad Mussa Salum, yasabye Diamond n’umugore Zari gukora ubukwe bakava mu buzima bumeze nk’ubusambanyi imbere y’Imana.
Mu mpera z’icyumweru dusoje nibwo Sheikh Alhad Mussa Salum yasuye ubwanditsi bw’ikinyamakuru Global Pubishers aza no kuvugana na bamwe mu banyamakuru. Umunyamakuru Aziz Hashim, wa Global Publishers yabajije Sheikh Alhad icyo idini rya Islam rivuga kuri Diamond n’umugore bakomeje kubyarana (...)

Sponsored Ad

Umwe mu bayobozi bakuru b’idini ya Islam mu mujyi wa Dar es Salaam muri Tanzania, Sheikh Alhad Mussa Salum, yasabye Diamond n’umugore Zari gukora ubukwe bakava mu buzima bumeze nk’ubusambanyi imbere y’Imana.

Mu mpera z’icyumweru dusoje nibwo Sheikh Alhad Mussa Salum yasuye ubwanditsi bw’ikinyamakuru Global Pubishers aza no kuvugana na bamwe mu banyamakuru. Umunyamakuru Aziz Hashim, wa Global Publishers yabajije Sheikh Alhad icyo idini rya Islam rivuga kuri Diamond n’umugore bakomeje kubyarana nyamara batarasezeranye.

Diamond na zari baritegura kwibaruka umwana wa kabiri

Yagize ati " Ibi ndabivuga atari kuri Diamond gusa ahubwo birebe buri wese ukora icyaha nk’icyo. Inyigisho za Islam zivuga ko gutera inda cyangwa gutwita utabana n’uwo mwashakanye mu buryo bwemewe n’Imana ari icyaha. Akamenyero ka Diamond rero ko gutera inda Zari batarasezeranye gakwiye guhagarara."

Sheikh Alhad Mussa Salum, uvuga ko yiteguye gusezeranya Diamond na zari

Yungamo ati "Abantu batandukanye n’inyamaswa nk’ihene ndetse n’ingurube, baba bagomba kubyarana nyuma yo gusezerana mu ruhame imbere y’idini, bitabaye ibyo baba bakora icyaha."

Uyu muyobozi w’idini, yavuze gukoresha ubukwe atari ibintu bihenze cyane ndetse ko bitanatwara igihe kuburyo byaba urwitwazo. Avuga ko igisabwa ari ugushaka ugufasha gusezerana naho kubyerekeye amafaranga ngo ubukwe ntibwarenza ibihumbi bitanu cyangwa ibihumbi icumi by’amashiling.

Sheikh Alhad Mussa Salum yavuze ko igihe Diamond n’umugore bazifuzako abasezeranya atazabangira ndetse ko azazana imodoka agashyiramo Essence agatwara abageni kugeza ubukwe butashye.

Yanavuze ko Zari na Diamond bakwiye kumenya ko bari guhemukira abana babo kubyerekeye imitungo ndetse ko aba bana bashobora kuzafata nk’ibicibwa mu idini ya Islam.

Diamond yamenya na Zari muri 2014, nyuma bazakubyarana umwana w’imfura bamwitwa Tiffah Tangote ndetse kuri ubu baritegura kwibaruka undi mwana muri uku kwezi k’ukuboza.