Kunshuro ya munani ibihembo bya AFRIMMA bitangwa ,abahanzi nyarwanda bari bahataniye ibihembo bitandukanye barimo ,The Ben, Butera Knowless na Meddy batahiye aho , batsinzwe na Diamond ndetse na Nandy bo muri Tanzania.
The Ben na Meddy bari bahatanye mu cyiciro cy’abahanzi b’abagabo bitwaye neza mu Karere ka Afurika y’Iburasirazuba barimo Eddy Kenzo wo muri Uganda, Otile Brown wo muri Kenya, Diamond Platnumz wo muri Tanzania, Ali Kiba wo muri Tanzania, Khaligraph Jones wo muri Kenya na (...)

Sponsored Ad

Kunshuro ya munani ibihembo bya AFRIMMA bitangwa ,abahanzi nyarwanda bari bahataniye ibihembo bitandukanye barimo ,The Ben, Butera Knowless na Meddy batahiye aho , batsinzwe na Diamond ndetse na Nandy bo muri Tanzania.

The Ben na Meddy bari bahatanye mu cyiciro cy’abahanzi b’abagabo bitwaye neza mu Karere ka Afurika y’Iburasirazuba barimo Eddy Kenzo wo muri Uganda, Otile Brown wo muri Kenya, Diamond Platnumz wo muri Tanzania, Ali Kiba wo muri Tanzania, Khaligraph Jones wo muri Kenya na Gildo Kassa wo muri Ethiopie.

Ni igihembo cyegukanywe na Diamond wo muri Tanzania, nubwo The Ben yari yabanje gutangaza ko amajwi ye ayahariye Meddy nawe bari bahatanye.

Butera Knowless we yari ahatanye mu cyiciro cy’umuhanzikazi mwiza mu Karere ka Afurika y’Iburasirazuba ahanganye na Nadia Mukami wo muri Kenya, Vinka wo muri Uganda, Tanasha Donna wo muri Kenya, Sheebah Karungi wo muri Uganda, Zuchu wo muri Tanzania, Nikita Kering wo muri Kenya na Nandy wo muri Tanzania wanegukanye iki gihembo.

Ibi bihembo bya ‘All Africa Muzik Magazine [AFRIMMA]’ byatanzwe hifashishijwe ikoranabuhanga, bisanzwe bitangirwa muri Leta Zunze Ubumwe za Amerika.

Ni ibihembo byatanzwe mu ijoro ryo kuri uyu wa 12 Ukuboza 2021, byabaga ku nshuro ya munani, bigamije gushimira Abanyafurika bitwaye neza mu bice bitandukanye bigize uruganda rwa muzika.

Diamond yegukanye igihembo cy’umuhanzi witwaye neza muri Afurika y’Iburasirazuba akuramo Meddy na The Ben

Nandy wo muri Tanzania yegukanye igihembo cy’umuhanzikazi wakoze cyane mu Karere ka Afurika y’Iburasirazuba, atsinda abarimo Butera Knowless