skol

Diamond yaririmbiye umuhungu wa nyakwingendera Katauti mu birori byo guhabwa isakaramentu ry’Ukarisitiya [AMAFOTO]

Imyidagaduro   Yanditswe na: Rebecca UFITAMAHORO 17 June 2021

Umuhanzi w’icyamamare muri Tanzania yitabiriye ibirori by’umuhungu wa nyakwigendera Hamad Katauti yabyaranye na Irene Uwoya[Oprah], umuhango wo guhabwa Isakaramenyu ry’Ukarisitiya Krish Ndikumana yatangaje benshi bibaza impamvu yahinduye idini akava muri Isilamu akajya muri Katurike.

Ku Cyumweru tariki 13 Kamena 2021 nibwo Ndikumana Krish yahawe isakaramentu rya Ukarisitiya.

Wari umunsi udasanzwe kuri Irene Uwoya benshi bazi nka Oprah, nyina wa Ndikumana Krish wamuteguriye ibirori by’akataraboneka.

Bwa mbere atangaza ko umuhungu we agiye guhabwa Isakaramentu, ibibazo byabaye byinshi abantu bibaza impamvu uyu mwana se yari umuyisilamu ariko nyina akaba yaramuhinduye umukristo.

Nyuma y’uko umwana we ahawe iri Sakaramentu, Oprah yavuze ko umwana we atigeze aba umuyisilamu ndetse ko na we ubwe atigeze aba we ahubwo basezeranye buri umwe akaguma mu idini rye.

Ati”njye na Hamad [Katauti] dukora ubukwe twasezeranye muri Kiliziya Gatolika hanyuma buri umwe akomeza mu idini rye, Krish ntabwo yigeze aba umuyisilamu, yakuranye nanjye rero akurira mu idini ryanjye. Namara gukura azihitiramo idini ashaka ariko ntabwo yigeze aba umuyisiramu.”

Ni ibirori byagaragayemo abantu bafite amazina akomeye mu myidagaduro ya Tanzania, barimo n’umuhanzi Diamond umaze kubaka izina mu muziki w’Isi na Afurika.

Diamond yaririmbiye umuhungu wa Hamad Katauti

Byari ibirori bibereye ijisho byari byatumiwemo abantu bake, nk’uko amafoto Irene Uwoya yasangije abamukurikira abigaragaza.

Hari tariki ya 11 Nyakanga 2009 ubwo Ndikumana Hamadi Katawuti yakoraga ubukwe bw’agatangaza na Oprah, ufite izina rikomeye mu bakinnyi ba filimi muri Tanzaniya.

Ni ubukwe bwakoze amateka akomeye kuko bwari buhenze kurusha ubw’ibyamamare byose bwabayeho muri Tanzania muri icyo gihe. Ba nyiri ubwite baje gutangaza ko bwatwaye 80,000,000 z’amashilingi ya Tanzania.

Ndikumana Hamad Katauti na Irene Uwoya babyaranye umwana umwe, mbere y’uko uyu mukinnyi wakiniye amakipe atandukanye n’Ikipe y’Igihugu Amavubi yitaba Imana mu 2017.

Mbere gato yo kwitaba Imana, Ndikumana Hamad Katauti wari usigaye ari umutoza muri Rayon Sports, yari yaratangaje ko yatandukanye burundu na Irene Uwoya.

Ndikumana Krish na ari kumwe n’umunyarwenya Steven Nyerere


Krish arikumwe na Nyina umubyara

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Symphony Band iri gutegura igitaramo cy’amateka yatumiyemo Ric...

Itsinda ry’abaririmbyi n’abacurunzi rya Symphony Band ryateguye igitaramo...
20 October 2021 0

Amazina y’urukundo The Ben arikwita umukunzi we Miss Pamella[AMAFOTO]

Umuhanzi The Ben n’umukunzi we Miss Pamella bakomeje kuryoherwa n’ubuzima...
20 October 2021 0

Bruce Melodie yasohoye amashusho y’indirimbo nshya yakoranye n’umuhanzi...

Umuhanzi Itahiwacu Bruce ukoresha izina rya Bruce Melodie mu muziki,...
19 October 2021 0

Meddy yabwiye ijambo rikomeye The Ben nyuma yo kwambika Impeta Miss...

Ku munsi w’ejo tariki ya 18 Ukwakira 2021 mu masaha y’umugoroba , nibwo...
19 October 2021 0

Miss Josine Ngirinshuti niwe wegukanye ikamba rya Miss Earth Rwanda...

Josine Ngirinshuti agiye guhagararira u Rwanda muri Miss Earth , nyuma yo...
19 October 2021 0

The Ben yambikiye impeta Miss Uwicyeza Pamella ku kirwa Cya...

Umuhanzi The Ben yamaze kwambika Miss Uwicyeza Pamella bamaze igihe mu...
18 October 2021 0