skol

Dore amwe mu mafoto yaranze icyumweru cya nyuma cya Mata [AMAFOTO]

Imyidagaduro   Yanditswe na: Rebecca UFITAMAHORO 2 May 2022

Muri iki cy’umweru dusoje cyaranzwe n’udushya ndetse n’ibikorwa bitandukanye byahuje abanyarwanda bo mugeri zitandukanye ndetse n’abanyamahanga , tugiye kubakusanyiriza amwe mu mafoto yaranze iki cyumweru cya nyuma cy’Amata twasoje ku munsi w’ejo ku itariki ya 1 Gicurasi 2022.


1.Madamu Jeannette Kagame yitabiriye siporo rusange ari kumwe n’abanyampinga b’u Rwanda batandukanye.

Kuri iki cyumweru tariki ya 1 Gicurasi 2022, Nibwo Madamu wa Perezida wa Repubulika Jeannette Kagame y’ifatanyije n’abanyampiga b’u Rwanda batandukanye muri siporo rusange izi ku izina rya “Car Free day “ yabereye mu mihanda ya Kicukiro, Gasabo,Nyarugenge.

Mu mafoto yasakajwe ku mbuga nkorayambaga yerekanaga uko iki gikorwa cya siporo kifashe mu duce twose tw’umujyi wa Kigali ayakunzwe cyane n’aya Madamu wa Perezida wa Repubulika Jeannette Kagame arikumwe na Miss Muheto , Miss Naomie hamwe n’abandi ba Miss batandukanye.






2.Amafoto ya Perezida Kagame ari muri Siporo rusange mu karere ka Nyarugenge

Perezida wa Repubulika y’u Rwanda Paul Kagame, kuri iki Cyumweru dusoje taliki ya 1 Gicurasi 2022 yifatanyije n’abaturage bo mu Mujyi wa Kigali muri Siporo Rusange (Car Free Day) itangira uku kwezi aho yaherukaga kuyitabira mu kwezi k’Ugushyingo 2021.

Nk’uko amafoto yatangajwe ku mbuga nkoranyambaga, Perezida Kagame yagaragaye ari kumwe na Minisitiri wa Siporo, Aurore Munyangaju Mimosa na Meya w’Umujyi wa Kigali Pudence Rubingisa, bagenda n’amaguru mu mujyi. Hari n’amashusho yatangajwe anyonga igare.

Car Free Day yatangijwe muri Gicurasi 2016, igamije gushishikariza abatuye Umujyi wa Kigali umuco wo gukora siporo no kubiborohereza; gushishikariza abaturage kwirinda indwara zitandura (NCDs), aho bahabwa inama bakanapimwa izi ndwara ku buntu.

Kuri ubu iyi siporo ikorwa no mu bindi bice by’Igihugu. Ni Siporo yashyiriweho kandi mu kugabanya ihumanywa ry’umwuka mwiza no kurwanya imihindagurikire y’ikirere, binyuze mu gukumira imodoka na moto mu mihanda abakora siporo bifashisha.
Mu ntangiriro z’umwaka wa 2018 ni bwo Perezida Kagame yasabye ko iyi siporo yazajya iba kabiri mu kwezi; ku Cyumweru cya mbere cy’ukwezi n’icya gatatu.



3. Amafoto y’abakinnyi b’ikipe PSG bari gusura ibice bitandukanye by’igihugu

Mu mafoto yaranze iki cy’umweru cya nyuma cya Mata harimo n’abakinnyi b’Ikipe Paris Saint-Germain bari mu ruzinduko mu Rwanda mu gikorwa cya Visit Rwanda.
Aba bakinnyi bari kumwe n’imiryango yabo muri urwo ruzinduko rw’iminsi itatu ni Julian Draxler, Thilo Kehrer, Keylor Navas na Sergio Ramos. Bakaba baje mu bufatanye bw’u Rwanda n’iyi kipe mu bukangurambaga bwo gushishikariza abatuye Isi gusura u Rwanda.

Aba bakinnyi n’imiryango yabo bishimiye uburyo bakiranywe urugwiro bakigera mu Rwanda ndetse n’ahantu hose bagiye basura cyane cyane mu duce nyaburanga n’ahabitse amateka y’Igihugu.


Bagize amahirwe yo guhura n’inyamaswa eshanu nini ziba muri Pariki y’Igihugu y’Akagera ari zo intare, inzovu, inkura, imbogo n’ingwe. Banabonye kandi imparage, ifumbeli n’izindi nyamaswa zitandukanye zituye muri iyi Pariki.

Aba bakinnyi n’imiryango yabo basobanuriwe ko pariki y’Igihugu y’Akagera ari ko gace gatoshye kanini mu Gihugu kagwiriyemo amoko y’inyamaswa zitandukanye ziba mu mukenke, bikaba ari na byo bikagira icyanya cyihariye cy’ubukerarugendo gituwe n’inyamaswa zisaga 130,000.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

New York: Umusore yinjiye mu iduka ararasa 10 bahasiga ubuzima 3...

Mu mujyi wa Buffalo muri Leta ya New York uwitwa Payton Gendron yatawe...
15 May 2022 0

Umuraperi ukomeye muri Amerika afunzwe azira gushinga agatsiko k’abajura...

Umuraperi Jeffery Lamar Williams wamamaye nka Young Thug afunzwe...
15 May 2022 0

Eddy Kenzo yahishuye ko yabaye mu muhanda ubwo yahaga impanuro uwagerageje...

Umuhanzi ukunzwe na benshi ukomoka mu gihugu cya Uganda yahishuye ko yabaye...
14 May 2022 0

Ku mugore dore inama zishobora kukurinda gusenya, urugo rwawe...

Abagore benshi hari amakosa bakunze gukora abatazi ko ashobora kubasenyera...
14 May 2022 0

Aline Gahongayire yavuze kuri Prince Kid, agereranya Miss Muheto na Esiteri...

Umuhanzikazi mu ndirimbo zo kuramya no guhimbaza Imana uzwi nka Aline...
14 May 2022 0

Hamenyekanye impamvu Elon Musk yahagaritse kugura urubuga rwa...

Umwe mu bayoboye urutonde rw’abakire ba mbere ku Isi Elon Musk ahagaritse...
14 May 2022 0