Umukobwa witwa AmChristella uri mu ndirimbo ya Bruce Melodie “Katapila” n’umwe mubakobwa batigisa imbuga nkoranyamabaga bitewe n’ubwiza bwe n’ikimero cye,reba amafoto yerekana ubwiza bwe.

Sponsored Ad

Iyi ndirimbo imaze amasaha macye igiye hanze imaze kurebwa n’aberenga ibihumbi 61 ku rubuga rwa Youtube. Amashusho y’iyi ndirimbp agaragaramo umukobwa uri mubakurikirwa cyane kurubuga rwa Instagram aho yitwa “Amchristella”.

Bruce Melodie nk’umwe mu bahanzi bari mu bagezweho mu muziki w’u Rwanda, kimwe mu bintu asigaye yitaho mu ifatwa ry’amashusho ye ni inkumi akoreshamo.

Mu ndirimbo nshya ‘Katapilla’, Bruce Melodie yifashishije umukinnyi wa filime witwa Danis Christelle Igeno Uwase benshi bazi ku rubuga rwa Instagram nka ‘AmChristella’.

Ni umukobwa usanzwe akina filime hano mu Rwanda, akaba azwi cyane mu ya Bad Rama aherutse gukinamo yitwa ‘Lockdown’.

Ni filime y’uruhererekane yatangijwe na Bad Rama ariko itarabashije kurangira kuko uyu mugabo yahise yerekeza muri Leta Zunze Ubumwe za Amerika.

Christelle si mushya mu mashusho y’indirimbo z’abahanzi, yagaragaye muya Safi Madiba yitwa ‘Original’ n’iya Davis D yitwa ‘Sexy’.