Gatsinzi Venuste wakiniraga APR VC yasubiye muri Gisagara VC, asinya amasezerano y’imyaka itatu.

Iyi kipe yabatangaje ku wa Kabiri, tariki 19 Kanama 2025.

Gatsinzi yerekeje muri Gisagara VC nyuma umwaka udakina kubera imvune y’ivi yagiriye mu mikino Nyafurika ya CAVB Continental Cup yabereye muri Morocco mu 2024.

Gatsinzi abaye umukinnyi wa gatatu Gisagara VC isinyishije nyuma ya Muvara Ronard na Ndayisaba Sylvestre bakiniraga REG VC.

Iyi kipe y’Akarere ya Gisagara ikomeje kwitegura umwaka mushya wa Shampiyona wa 2025/26 uzatangira ku wa 17 Ukwakira 2025.