skol

Hagenimana Fabien wakunzwe ubwo yaririmbanaga na The Ben yitabye Imana

Imyidagaduro   Yanditswe na: Rebecca UFITAMAHORO 11 April 2022

Hagenimana Fabien wakoranye indirimbo Ibyiringiro na The Ben yitabye Imana aguye mu bitaro bya Kibagabaga azize uburwayi.


Inkuru y’urupfu rw’uyu mugabo Umuryango yayihamirijwe n’umubyeyi we Nyabyenda Regine wavuze ko Hagenimana yitabye Imana ku wa 10 Mata 2022.

Ati “Fabien yitahiye, yitabye Imana ku gicamunsi cyo ku wa 10 Mata 2022 aguye mu bitaro bya Kibagabaga aho yari amaze iminsi arwariye.”

Uyu mubyeyi yavuze ko Hagenimana yari amaze iminsi arwaye, icyakora igihe kinini cy’uburwayi bwe yarabanje kukimara mu rugo.

Ati “Yafashwe n’uburwayi tubanza kumushakira imiti yanyweraga mu rugo, yamaze hafi nk’ukwezi ayinywa, icyakora mu cyumweru gishize tubona birarushaho kuba bibi duhitamo kumujyana kwa muganga aho yari amaze icyumweru mbere y’uko yitaba Imana.”

Hagenimana yamenyekanye cyane mu biganiro yagiye akoreshwa n’abanyamakuru akagaragaza ubuhanga bwe muri muzika ariko akazitirwa n’amikoro.

Mu biganiro bitandukanye yakunze guhamya ko ari umufana wa The Ben ndetse yifuzaga ko bazahura nibura inshuro imwe.

Ibi byatumye mu Ukuboza 2019 abantu bakora ibishoboka byose bajyana Hagenimana ku kibuga cy’indege kwakira The Ben wari ukubutse muri Amerika agiye gukorera igitaramo cya East African Party mu Rwanda.

The Ben akimara kumva urukundo uyu mugabo amukunda yiyemeje kumufasha bagakorana indirimbo ndetse mu rwego rwo kumurika impano ye, banayiririmbye mu gitaramo cya East African Party cyabereye muri Kigali Arena ku wa 1 Mutarama 2020.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mukansanga Salima yashyizwe mu bagore 3 bagiye gusifura mu gikombe cy’Isi mu...

Mu mateka y’igikombe cy’Isi komite y’abasifuzi ya FIFA yashyizeho abasifuzi...
19 May 2022 0

Ifoto y’Umunsi: Umuhanzi Igor Mabano yashyize hanze ifoto y’imfura ye...

Nyuma yo kwemeranya isezerano ry’akaramata mu mpera z’umwaka wa 2021...
19 May 2022 0

Ihere ijisho uburanga bwa Kourteny Kardashian uherutse gusezerana na...

Mu mafoto atandukanye ihere ijisho uburanga bwa Kourtney Kardashian ukomoka...
19 May 2022 0

Ibya Miss Rwanda bikomeje kuzamba !Umwe mubakobwa bitabiriye iri rushanwa...

Nyuma y’ifungwa ry’umuyobozi wa Rwanda Inspiration Back Up ryateguraga...
19 May 2022 0

Sheebah Karungi agiye guhishura umuyobozi ashinja ko yamuhohoteye

Umuhanzikazi ukomoka mu Gihugu cya Uganda wamamaye nka Sheebah Karungi...
19 May 2022 0

Uburanga bw’abakobwa babiri bitabiriye Miss Rwanda bari guca ibintu i...

Bimenyerewe ko irushanwa rya Miss Rwanda ari irushanwa ritanga amahirwe...
19 May 2022 0