skol
fortebet

Hashyizweho ibiciro ku bifuza kwitabira ibirori byo gutanga ikamba rya Miss Rwanda 2022

Yanditswe: Thursday 17, Mar 2022

featured-image

Sponsored Ad

Mu gihe habura iminsi ine ngo Nyampinga w’u Rwanda 2022 amenyekanye, abategura Miss Rwanda bagaragaje ibiciro byo kwinjira mu birori bikomeye azatangarizwamo.

Sponsored Ad

Ibi birori bizaba ku mugoroba wo ku wa Gatandatu tariki 19 Werurwe 2022 mu Intare Conference Arena i Rusororo mu Karere ka Gasabo. Iyi nyubako yihariye mu kwakira inama, ibirori by’imyidagaduro n’ibindi bihuriza hamwe abantu.

Imibare yerekana ko Miss Rwanda ari cyo gikorwa cya mbere cy’imyidagaduro mu Rwanda, hashingiwe ku mibare y’abantu bagikurikira, abo gihuriza hamwe, abaterankunga bayigana, ubumenyi abakobwa bafite bayitabira n’ibindi binyuranye.

Nta kabuza ko umubare munini w’Abanyarwanda yaba ababa imbere mu gihugu n’abatuye hanze baza bategereje kumenya umukobwa uzegukana ikamba rya Miss Rwanda 2022 muri 19 bari guhatana.

Bagiye kumara ibyumweru bitatu mu mwiherero uri kubera kuri La Palisse Hotel Nyamata muri Bugesera.

Abategura Miss Rwanda bagaragaje ko kwinjira mu birori byo gutora Nyampinga w’u Rwanda ari 10, 000 Frw mu myanya isanzwe; 20,000 Frw muri VIP na 30,000 Frw muri VVIP. Buri wese asabwa kwitabira ibi birori yipimishije Covid-19 mbere y’amasaha 48 kandi yarafashe inkingo zose.

Kanda hano ubashe kugura itike yokwinjira muri ibi birori.

Umukobwa umwe ni we uzegukana ikamba, abandi 18 basigaye bavemo ibisonga bye bibiri, uwegukana ikamba ry’ufite umushinga mwiza [Most Innovative Project], Nyampinga w’umurage (Miss Heritage).

Nyampinga wagize igikundiro kurusha abandi (Miss Popularity), Miss Photogenic (Umukobwa uberwa n’amafoto), Talent Winner (Umukobwa wagaragaje impano yihariye) n’umukobwa wahize abandi mu gukora siporo (Sports Winners).

Umukobwa uzegukana ikamba rya Miss Rwanda 2022 azahabwa imodoka ifite agaciro k’arenga miliyoni 20 Frw.

Abakobwa 10 ba mbere muri Miss Rwanda bazafashwa na Kaminuza ya Kigali gukomeza ibyiciro by’amashuri bari bagezemo.

Abakobwa 20 bazavamo Miss Rwanda 2022 ni: Ruzindana Kelia [Nimero 47] - Ahagarariye Umujyi wa Kigali; Nshuti Divine Muheto [Nimero 44]-Ahagarariye Uburengerazuba.

Uwimanzi Vanessa [Nimero 70]- Ahagarariye Umujyi wa Kigali, Bahali Ruth [Nimero 3]-Ahagarariye Umujyi wa Kigali, Uwimana Marlène [Nimero 69]- Ahagarariye Umujyi wa Kigali, Ikirezi Musoni Kevine [Nimero 10]-Ahagarariye Uburasirazuba, Mutabazi Isingizwe Sabine [Nimero 38]- Ahagarariye Umujyi wa Kigali.

Kalila Leila France [Nimero 23]-Ahagarariye Umujyi wa Kigali, Uwikuzo Marie Magnificat [Nimero 67]- Ahagarariye Umujyi wa Kigali, Kayumba Darina [Nimero 25]- Ahagarariye Umujyi wa Kigali, Umurerwa Bahenda Arlette [Nimero 55]- Ahagarariye Umujyi wa Kigali, Kazeneza Marie Merci [Nimero 26-Ahagarariye Uburengerazuba.

Umuhoza Emma Pascaline [Nimero 53]-Ahagarariye Uburasirazuba, Keza Maolithia [Nimero 27]-Ahagarariye Uburengerazuba, Saro Amanda [Nimero 48]- Ahagarariye Umujyi wa Kigali, Keza Melissa [Nimero 28]-Ahagarariye Intara y’Amajyepfo.

Muringa Jessica [Nimero 37]- Ahagarariye Uburengerazuba, Ndahiro Mugabekazi Queen [Nimero 42]- Ahagarariye Uburasirazuba na Uwimana Jeannette [Nimero 68]- Ahagarariye Intara y’Amajyepfo.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa