skol

Ihere ijisho uburanga bw’Abarundikazi 12 bari gushakwamo Miss Burundi 2022 [AMAFOTO]

Imyidagaduro   Yanditswe na: Rebecca UFITAMAHORO 28 March 2022

Abakobwa 12 bari mu byishimo bikomeye nyuma y’uko bakatishije itike yo guhatanira ikamba rya Nyampinga w’u Burundi 2022.


Ni mu birori byabaye mu ijoro ryo ku wa Gatandatu tariki 26 Werurwe 2022 rishyira ku Cyumweru, aho abakobwa banyuze imbere y’akanama nkemurampaka babazwa ibibazo bitandukanye, baniyerekana mu myambaro yihariye.

Abakobwa 25 nibo bari batoranyijwe mu cyiciro cya mbere, ariko 12 nibo babashije kugera mu cyiciro cya nyuma cyo guhatanira ikamba rya Miss Burundi.

Akanama Nkemurampaka kari kagizwe na Ange Muyubira washinzwe Umuryango udaharanira inyungu Kaz’O’zah [Ni we wari ukuriye akanama]; Umuyobozi w’ikinyamakuru Jimbere Magazine, Roland Rugero ndetse na Isaac Nzotungicimpaye washinze kompanyi Shoka Solutions.

Nyuma yo guteranya amanota akanama kemeje ko abakobwa 12 ari bo batsinze. Abo ni Dushime Charmene [Nimero 1]-Ahagarariye Cibitoke; Ishimwe Lyse Ladia [Nimero 6]-Ahagarariye Ngozi, Ishimwe Aimée Gloire [Nimero 7]-Ahagarariye Makamba, Irakoze Nassra [Nimero 9]-Ahagarariye Bujumbura Mairie, Iradukunda Christa Ardene [Nimero 14]-Ahagarariye Kayanza, Dushime Charmene [Nimero 2]-Ahagarariye Cibitoke, Ishimwe Lyse Laida [Nimero 6]-Ahagarariye Ngozi, Ishimwe.

Muhoza Aimée Chersy [Nimero 17]-Ahagarariye Bujumbura, Ngaruko Kelly [Nimero 19]-Ahagarariye Bujumbura, Nimubona Gabriella [Nimero 19]- Ahagarariye Buhumbura, Nishimwe Emelyne Alicia [Nimero 22]-Ahagarariye Gitega, Ndahiro Mégane [Nimero 23]-Ahagarariye Karusi, Marvella de la mairie [Nimero 24]-Ahagarariye Bujumbura ndetse na Sezerano Arlene Antoine uhagarariye Bubanza.

Umukobwa uzatorwa akambikwa ikamba rya Miss Burundi 2022 azasimbura Livia Thiana Iteka, wari umaze umwaka yambitswe iri kamba.

Livia yegukanye ikamba rya Miss Burundi 2021 ahabwa ibihembo birimo imodoka, essence y’umwaka wose, ubwishingizi, igihe imodoka ye igize ikibazo izakorwa, umushahara wa buri kwezi n’itike y’indege yo gutemberera i Dubai.

Uyu mukobwa w’imyaka 21 y’amavuko asanzwe ari umunyeshuri muri Kaminuza Bujumbura International University, aho yiga ibijyanye n’Ubutegetsi no gucunga imari.

Akimara gutsinda, iyi Kaminuza yamuhaye amafaranga miliyoni imwe y’amarundi mu rwego rwo kumushimira.

Livia Thiana wabaye Miss Burundi 2021 [Yari afite nimero 07] yagaragiwe na Muhoranamana Berry Bernice wabaye igisonga cya Mbere, na Nshimirimana Saba Sabrina wabaye igisonga cya kabiri.

Yambitswe ikamba asimbura Annie Bernice Miss Burundi 2017, wari umaze imyaka itatu yambaye iri kamba.

Igisonga cya mbere yahembwe miliyoni 2 Fbu, igisonga cya kabiri yahawe 1,500,000 Fbu naho Miss Popularity [Yari ahagarariye Kirundo] yahembwe 1,000,000 Fbu.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

New York: Umusore yinjiye mu iduka ararasa 10 bahasiga ubuzima 3...

Mu mujyi wa Buffalo muri Leta ya New York uwitwa Payton Gendron yatawe...
15 May 2022 0

Umuraperi ukomeye muri Amerika afunzwe azira gushinga agatsiko k’abajura...

Umuraperi Jeffery Lamar Williams wamamaye nka Young Thug afunzwe...
15 May 2022 0

Eddy Kenzo yahishuye ko yabaye mu muhanda ubwo yahaga impanuro uwagerageje...

Umuhanzi ukunzwe na benshi ukomoka mu gihugu cya Uganda yahishuye ko yabaye...
14 May 2022 0

Ku mugore dore inama zishobora kukurinda gusenya, urugo rwawe...

Abagore benshi hari amakosa bakunze gukora abatazi ko ashobora kubasenyera...
14 May 2022 0

Aline Gahongayire yavuze kuri Prince Kid, agereranya Miss Muheto na Esiteri...

Umuhanzikazi mu ndirimbo zo kuramya no guhimbaza Imana uzwi nka Aline...
14 May 2022 0

Hamenyekanye impamvu Elon Musk yahagaritse kugura urubuga rwa...

Umwe mu bayoboye urutonde rw’abakire ba mbere ku Isi Elon Musk ahagaritse...
14 May 2022 0