Conor McGregor yahagaritswe amezi 18 atitabira amarushanwa kubera kudakora ibizimini bigaragaza ko adakoresha imiti itemewe mu mukino w’iteramakofe.

Nk’uko byatangajwe na Combat Sports Anti-Doping (CSAD), uyu Munya-Ireland w’imyaka 37, McGregor, ntiyakoze ibi bizamini mu 2024 nk’uko amategeko abiteganya ko buri mukinnyi agomba gupimwa inshuro eshatu mu mwaka.

Ibizamini McGregor ashinjwa kudakora ni ibya tariki ya 13 Kamena, 19 Nzeri na 20 Nzeri 2024 nubwo uyu mukinnyi aheruka umurwano muri Nyakanga 2021 ubwo yavunikaga ukuguru ahanganye na Dustin Poirier.

Umuyobozi wa UFC, Dana White, yavuze ko McGregor yagabanyirijwe igihano kubera ubufatanye bwe mu iperereza n’ibibazo by’imvune yagize bityo amezi 24 yahagaritswe yagizwe 18 azarangira muri Werurwe 2026.

Conor McGregor aheruka guhamwa n’icyaha cyo gufata ku ngufu Nikita Hand, amwishyura ibihumbi 272$.

Mu kwezi gushize, uyu mugabo yatangaje ko atagikomeje gahunda yo kwiyamamariza kuba Perezida wa Ireland mu matora ateganyijwe mu Ugushyingo 2025.