Ingabire Josiane uzwi nka Joxy Parker yasangije abamukurikira amafoto amugaragaza akuriwe, gusa amakuru agahamya ko yamaze kwibaruka umwana w’umukobwa mu minsi ishize.

Joxy Parker ni umwe mu nkumi z’ikimero zikunze kuvugisha abatari bake ku mbuga nkoranyambaga bitewe n’amafoto agaragaza uburanga bwe akunze gusangiza abamukurikira.

Uyu mukobwa ni umwe mu bakunze kwiyambazwa mu tubari n’utubyiniro tugezweho mu rwego rwo kureshya abakiliya.

Ikindi azwiho cyane ni uko ari mu babyinnyi bakanyujijeho kuko yahoze ari umwe mu babyinnyi ba Miss Jojo.