skol

Mark Zuckerberg uyobora Facebook yasabye imbazi nyuma y’igihombo cya miliyari 4.4 z’amapound

Imyidagaduro   Yanditswe na: Rebecca UFITAMAHORO 5 October 2021

Umuyobozi w’imbuga nkoranyambaga yavuze ko ’ababajwe n’ihungabana’ nyuma yuko bigaragaye ko ku giti cye yatakaje miliyoni zisaga 4.4 z’amapound kubera imigabane ya Facebook yagabanutse akagera kuri 5%.


Kuri uyu munsi umuyobozi mukuru wa Facebook, Mark Zuckerberg, yasabye imbabazi Miliyani z’abakoresha serivisi za Facebook, Whatsapp na Instagram zahuye nikibazo kitaramenyekana neza.

Mark Zuckerberg yagize ati« Mumbabarire ku kibazo cyabye uyu munsi - Nzi uburyo mwishingikiriza kuri serivisi zacu kugirango mukomeze guhuza abantu servise nziza".

Ese wumvaga umeze ute mu gihe wamaze nta WhatsApp, Facebook na Instgram? Ese waba ujya utekereza ufite ububasha kuri izi mbuga cyangwa ibindi byose umuntu akorera kuri murandasi?. Kuri uyu munsi wanone abahanga mu ikoranabuhanga basigaye bita Isi umudugudu, ibi nta kindi kibitera uretse uburyo murandasi n’itumanaho rihambaye rifasha abatuye Isi kwegerana ndetse no gukorana ibikorwa byo mu buzima busanzwe mu buryo byoroshye.

Iyo ibigo byifashishwa mu gutumanaho bigize ikibazo mu mikorere, abantu benshi barahungabana ndetse ni nabyo byaraye bibaye aho benshi bari batangiye kwibaza uko bigiye kugenda na cyane ko benshi bari bamaze kurwara indwara yo kumva ko ikintu cyose bakoze bagomba kugishyira ku karubanda mu kwereka inshuti zabo uko babayeho n’uko bamarewe.

Ejo kuwa Mbere tariki 4 Ukwakira 2021 mu masaha ashyira isaha ya saa kumi n’ebyiri z’umugoroba ku isaha yo mu Rwanda, imbuga nkoranyambaga, WhatsApp, Facebook na Instagram zavuye ku murongo ndetse benshi babanza kugira ngo ni ikibazo cy’ubwoko bwa murandasi bakoreshaga cyangwa se telefone zabo zapfuye, gusa nyamara ibi bigo bibarizwa mu kitwa Facebook,inc byose byari byahuye n’ikibazo cya tekinike.

Iki kibazo na n’ubu Facebook ntabwo iragitangaza neza mu buryo busobanutse, gusa inkuru iri guhurirwaho na benshi ni uko hari ikibazo cyari cyabaye mu bizwi nka ’Configuration’, tugenekereje mu kinyarwanda ukaba wabyita ’kwigoronzora’ cyangwa ’kwikoranaho’ mu itangiramikorere y’imiyoboro y’iki kigo.

Nk’uko byatangajwe n’ubuyobozi bw’iki kigo havuzwe ko cyari ikibazo cyari gifatiye ku bubiko bwacyo ndetse ko mu gihe abakozi bashaka kubukoraho hifashishijwe ikoranabuhanga byanze biba ngombwa ko bajya kubikora mu buryo busanzwe n’intoki ibizwi nka ”Manually Reboot or Restart”, gusa biza kurangira hajemo ikibazo cyaje no kuvamo icy’ingutu cyatumye abatuye Isi bananirwa gukoresha WhatsApp, Facebook na Instagram.

Mu gihe kijya kungana n’amasaha 6 ibi bigo byaburiwe irengera byateje nyirabyo bwana Zuckerberg igihombo cya Miliyari $7 ndetse binafitanye isano n’imigabane yacyo kuko yahanantutse ku kigero cya 5% nk’uko urubuga rwa Bloomberg rubitangaza. N’ubwo iki kigo cyagize ikibazo cy’ikoranabuhanga, kimaze iminsi gishinjwa na za Leta zitandukanye ibyaha birimo kugurisha amakuru kidafitiye uburenganzira, ibi akaba ari nabyo byagikomye mu nkokora ndetse binagitera igihombo.

Refe:www.mirror.co.uk

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amakuru mashya:Imyanzuro y’urukiko yemeje ko Miss Elsa arekurwa

Urukiko rw’ibanze rwa Kicukiro rwemeje ko Iradukunda Elsa wabaye Miss Rwanda...
25 May 2022 0

Umuhanzikazi Annet Murava yambitswe impeta n’umukunzi we bitegura...

Umuhanzikazi mu ndirimbo zo kuramya no guhimbaza Imana wamenyekanye nka...
25 May 2022 0

Urutonde rw’abahanzi bakanyujijeho mu bihe byashize ubu bakaba baraburiwe...

Urutonde rw’abahanzi bakanyujijeho mu ruhando rwa Muzika Nyarwanda...
25 May 2022 0

Ku musore niba wifuza urukundo rufatika menya ingeso ukwiye...

Abantu benshi bakunze kujya mu rukundo ariko ugasanga ntirumara kabiri...
24 May 2022 0

Menya Impamvu ikomeye yatumye urubanza rwa Miss Elsa rushyirwa mu...

Mu gitondo cyo kuri uyu wa Kabiri tariki ya 24 Gicurasi nibwo Ahagana saa...
24 May 2022 1

Knneth Gasana ukinira Patriots BBC yahawe ubwenegihugu bw’u Rwanda...

Wilson Kenneth Gasana ukinira ikipe y’Igihugu ya Basketball na REG BBC...
24 May 2022 0