Ngabo Medard uzwi kuzina rya Meddy yashimiye umugore we uburyo yaturishije umutwe we wahoraga ujagaraye ndetse yongera gushimangira urukundo akunda umugore we cyane.

Sponsored Ad

Meddy mu butumwa yanyujije ku rukuta rwe rwa instagrama yashimye byimazeyo umugorewe Mimi Mehfira, bahirutse gukorana indirimbo ikunzwe cyane muri iyi minsi yitwa ’My Vow’ .

Yagize ati "mumfashe gushimira uyu mugore w’agatangaza wabashije kwihanganira umutwe wanjye ujagaraye. Ndagukunda Mehfira."

Uyu mugore na we akaba yaje ahita ajya ahatangirwa ubutumwa amusubiza ko amukunda.

View this post on Instagram

A post shared by Meddy (@meddyonly)

Meddy aheruka gusohora indirimbo ’My Vow’, mu kinyarwanda bishatse kuvuga ’Indahiro Yanjye’, yakoreye umugore we cyane ko no mu mashusho yayo hagaragaramo amashusho y’ubukwe bwabo, aba amusezeranya kuzamukunda ubuziraherezo ko ari yo Ndahiro ye.

Tariki ya 22 Gicurasi 2021, nibwo Meddy yafashe umwanzuro wo gukora ubukwe na Sosena Aseffa[Mimi] ukomoka muri Ethiopia, ni nyuma y’uko tariki ya 1 Mutarama 2019 yeretse abanyarwanda iyi nkumi yamutwaye umutima.

Ni mu birori bibereye ijisho byabereye muri muri Amerika muri Leta ya Dallas aho aba bombi baba. Ubu bukwe bwitabiriwe n’ibyamamare nyarwanda byinshi birimo K8 Kavuyo, Emmy na Adrien Misigaro bari mu basore bambariye Meddy.

Hari kandi The Ben na King James baririmbiye abageni, aho The Ben yaririmbye indirimbo ye Roho Yanjye na King James akaririmba Ganyobwe maze bacinya umudiho biratinda, hari kandi na Miss Grace Bahati n’abandi.