Nyampinga w’ u Rwanda wa 2017 Elsa IRADUKUNDA kuri uyu wa 3 Gicurasi 2017 yasuye urwibutso rwa Kabgayi ruherereye mu karere ka Muhanga mu ntara y’ amajyepfo, akora isuku kuri urwo rwibutso ndetse anunamira abazize jenoside yakorewe abatutsi barushyinguyemo.
Miss Elsa yari kumwe n’ umuyobozi wungirije w’ Akarere ushinzwe imibereho myiza y’ abaturage; uhagarariye ibuka mu karere ndetse n’ urubyiruko rutandukanye.
Nyuma yo gukora isuku kuri uru rwibutso no kunamira abarushyinguyemo bakoze (…)

Nyampinga w’ u Rwanda wa 2017 Elsa IRADUKUNDA kuri uyu wa 3 Gicurasi 2017 yasuye urwibutso rwa Kabgayi ruherereye mu karere ka Muhanga mu ntara y’ amajyepfo, akora isuku kuri urwo rwibutso ndetse anunamira abazize jenoside yakorewe abatutsi barushyinguyemo.

Miss Elsa yari kumwe n’ umuyobozi wungirije w’ Akarere ushinzwe imibereho myiza y’ abaturage; uhagarariye ibuka mu karere ndetse n’ urubyiruko rutandukanye.

Nyuma yo gukora isuku kuri uru rwibutso no kunamira abarushyinguyemo bakoze urugendo berekeza mu mudugudu w’ abapfakazi bagizwe incike na Jenoside yakorewe abatutsi w’ ahitwa Masezero.

Masezero ni I Mbare mu murenge wa Shyogwe ,umwe mu mirenge igize akarere ka Muhanga.

Miss Elsa yahaye abatishoboye batuye muri uwo mudugudu impano zirimo, imyambaro, ibitegenge n’ ibyo kurya ndetse banagirana ubusabane nk’ umwana wasuye ababyeyi.

Byari ibyishimo ku mpande zombi cyane abasuwe kuko bishimiye ko Miss Rwanda 2017 yabasuye akabereka umutima ukwiye umwana wese w’ Umunyarwanda.

Miss Iradukunda Elsa yageneye incike za Jenoside impano y’ ibiribwa n’ imyambaro

Miss Elsa n’ ababyeyi jenoside yagize incike bari bishimiranye