Iradukunda Liliane ubitse ikamba rya Miss Rwanda mu 2018, yongeye kwishimira isabukuru y’umukunzi we, Imfura Kenny, bamaze imyaka itari mike bakundana dore ko atari ibintu banahisha ababakurikira ku mbuga nkoranyambaga.

Uyu musore wigaruriye umutima wa Miss Iradukunda Liliane, yizihiza isabukuru y’amavuko ku wa 15 Nyakanga.

Mu kwifuriza isabukuru y’amavuko umukunzi we, Miss Iradukunda yasangije abamukurikira amafoto bari kumwe ayaherekeresha amagambo agaragaza ko bari mu munyenga w’urukundo hagati yabo.

Mu 2023 Miss Iradukunda Liliane yasigiwe igifunguzo na mugenzi we Miss Iradukunda Elsa wari umaze gukora ubukwe na Ishimwe Dieudonne wamamaye nka Prince Kid.

Miss Iradukunda Liliane na Imfura Kenny bamaze igihe bakundana, inkuru y’urukundo rwabo bayigize ibanga kugeza mu 2022 ubwo uyu mukobwa nubundi yizihirizaga isabukuru y’amavuko umukunzi we.

Kuva icyo gihe buri mwaka ku munsi w’amavuko w’uyu musore, Iradukunda Liliane ntasiba kugaragazako yihebeye Imfura Kenny.