Miss Iradukunda Michele umunyamakuru kuri Televiziyo y’u Rwanda na Magic FM yambitswe impeta y’urukundo n’umusore bamaze igihe kinini bakundana, bombi batangiye kwitegura kwinjira mu buzima bazabanamo akaramata.
Ni ibyishimo by’ikirenga kuri Michele Iradukunda wambitswe impeta y’urukundo kuri iki cyumweru tariki ya 23 Mata 2017. Uyu mukobwa yanditse abinyujije ku rukuta rwe rwa Instagram ahamya ko ibye n’umukunzi we David bigiye kurushaho gukomera ndetse ngo yahise amwemerera ko bagomba (…)

Miss Iradukunda Michele umunyamakuru kuri Televiziyo y’u Rwanda na Magic FM yambitswe impeta y’urukundo n’umusore bamaze igihe kinini bakundana, bombi batangiye kwitegura kwinjira mu buzima bazabanamo akaramata.

Ni ibyishimo by’ikirenga kuri Michele Iradukunda wambitswe impeta y’urukundo kuri iki cyumweru tariki ya 23 Mata 2017. Uyu mukobwa yanditse abinyujije ku rukuta rwe rwa Instagram ahamya ko ibye n’umukunzi we David bigiye kurushaho gukomera ndetse ngo yahise amwemerera ko bagomba kuzabana iteka.

Abicishije ku rukuta rwe rwa Instagram yagize ati “Bwa mbere ansaba ko nazamubera umugore nahise nibaza nti ‘ni ukuri se?’ kuko nta mpeta yari afite. Uyu munsi nabwo yongeye arabinsaba ambaza niba ‘nakwemera kumubera umugore’, nanjye sinazuyaje, namubwiye ko asanzwe azi igisubizo…”

Maze akomeza agira ati “Nzahora mvuga Yego ubu n’iteka ryose kuko uri umwe mu bigize ubuzima bwanjye ubuziraherezo. Urukundo rwawe rwankoze ku mutima…”

Iradukunda Michele n’umukunzi we bamaranye imyaka irenga itanu bakundana, mbere yo kwambikana impeta ihamya ko bageze kure umushinga wo kwitegura kurushinga, bagiye bagirana ibihe byiza ndetse bakabisangiza inshuti zabo ku mbuga nkoranyambaga.

Iradukunda w’imyaka 28 yamenyekanye cyane mu marushanwa y’ubwiza mu myaka umunani ishize. Yahatanye mu bakobwa 15 bahataniye ikamba rya Nyampinga w’u Rwanda mu 2009 ariko ntiyabasha kwegukana ikamba.

Mu mwaka wa 2010 Iradukunda Michele yahataniye ikamba rya Nyampinga wa Kaminuza Nkuru y’u Rwanda(Miss NUR) atahana ikamba ry’igisonga cya mbere. Izina rye ryakomeje kuvugwa mu binyamakuru mu cyiciro cya ba Nyampinga gusa mu 2013 yaje kwinjira mu itangazamakuru.

Uyu mukobwa yakoreye Radio Isango Star ahava yerekeza mu Kigo cy’Igihugu cy’Itangazamakuru ahereye kuri Magic FM nyuma atangira no gukora kuri Televiziyo y’u Rwanda by’umwihariko mu kiganiro Waramutse Rwanda n’ibindi bitumirwamo ibyamamare.

Martin MUNEZERO