Mushiki wa P-Fla muto ariwe Natete Niwemugore, yasezeranye imbere y’amategeko n’umukunzi we Wilson Nshimyumuremyi.

Ni umuhango wabaye kuri uyu wa Kane tariki 19 Kamena 2025, mu muhango wabereye ku murenge wa Gitega, wari wahuje imiryango y’aba bombi ndetse n’inshuti.

Nyuma yo gusezerana imbere y’amategeko, biteganyijwe ko hakurikiraho gusezerana imbere y’Imana, aho ubukwe buzaba tariki 29 Kamena 2025, bukazabera i Rwamagana.

Usibye kuba azwi nk’umwe mu bavandimwe ba P-Fla ufite izina rikomeye muri muzika nyarwanda, uu mukobwa nawe asanzwe ari umuhanzikazi wanize umuziki ku ishuri rya Nyundo igihe gito, gusa muri iki gihe akaba yarashyize imbaraga mu muziki wo kuramya no guhimbaza Imana.