skol

Ndanda wabyaranye na Anita Pendo ari kugirana ibihe byiza n’umukunzi we mu Bwongereza Bitegura kurushinga [Amafoto]

Imyidagaduro   Yanditswe na: Rebecca UFITAMAHORO 13 December 2021

Nizeyimana Alphonse wamenyekanye ku izina rya Ndanda wabyaranye na Anita Pendo abana b’ahungu babiri, yerekeje mu gihugu cy’Ubwongereza aho umugore we asanzwe atuye, kugira ngo basangire iminsi mikuru bari kumwe ndetse anasure umuryango muri rusange.


Mu kiganiro yahaye Inyarwanda dukesha iyi nkuru yavuze ko yishimiye kongera kubona umufasha we ndetse akaba yamusuye kugira ngo basangire iminsi mikuru.

Yagize ati”Birumvikana ndishimye cyane!!! Kuba nongeye kubona umufasha wanjye. Nagiye gusura umuryango wanjye, nishimiye kuba ngiye gusangira n’umugore wanjye iminsi mikuru”.

Ndanda yavuze ko atagiye gutura mu Bwongereza ngo asangeyo umugore we, ahubwo ko yagiye kumusura bagasangira iminsi mikuru nyuma akazagaruka mu Rwanda.

Ku Cyumweru tariki ya 4 Nyakanga 2021, ni bwo Nizeyimana Alphonse yambitse impeta Miss Gracia Kamalia biteguraga kurushinga nyuma y’igihe inkuru z’urukundo rwe yarazigize ibanga rikomeye.

Ku wa Kane tariki ya 8 Nyakanga 2021, ni bwo Nizeyimana Alphonse Ndanda yasezeraniye mu Murenge wa Gisozi na Gracia.

Hashize amezi ane Ndanda abana na Miss Gracia mu buryo bwemewe n’amategeko nk’umugore n’umugabo.

Nizeyimana Alphonse Ndanda wakiniye amakipe akomeye mu Rwanda, arimo Rayon Sports, Mukura VS, AS Kigali n’ayandi, yatangaje ko yasezeye burundu ku mupira w’amaguru nyuma y’imvune zakunze kumwibasira.

Mu minsi ishize nibwo hatangiye kwamamazwa film ‘Intandaro y’Ikibi’ yakinnyemo, icyakora avuga ko atari ibintu agiye kugira umwuga ahubwo yayikinnyemo ashyigikira inshuti ye.

Anita na Ndanda batangiye kuvugwa mu rukundo mu 2016 ndetse uwo mwaka bibaruka umuhungu w’imfura witwa Tiran.

Mu Ukwakira 2018 nibwo yabyaye umuhungu wa kabiri, ariko nyuma y’ibyumweru bibiri Ndanda ahishura ko urugo rwabo rwasenyutse.

Aba bombi ariko ntibigeze baterana amagambo ku cyaba cyaratumye batandukana ahubwo bakomeje gushimangira ko ari amahitamo yabo bombi ndetse ko bazakomeza kwita ku bana babyaranye uko bashoboye.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Itsinda rya Symphony Band ryasibishije indirimbo ya Ariel Wayz kuri...

Nyuma y’umunsi umwe Umuhanzikazi Ariel Wayz ashyize hanze indirimbo yise...
29 May 2022 0

Tanasha wabyaranye na Diamond yavuye mu kiganiro numujinya kitarangiye...

Umuhanzikazi ukomoka mu gihugu cya Kenya uzwi ku izina rya Tanasha Dona...
29 May 2022 0

Kecapu yasezeranye imbere y’amategeko n’umukunzi we(AMAFOTO)

Mukayizera Jalia Nelly wamamaye nka Kecapu muri Filime y’uruhererekane...
28 May 2022 0

AMAFOTO:Abakobwa bitabiriye Miss Rwanda 2022 bazamutse urutare rwa...

Bamwe mu bakobwa bitabiriye irushanwa rya Miss Rwanda2022 bakomeje...
28 May 2022 0

Alyn Sano yagize icyo avuga ku mashusho yamugaragaje akata Cake iteye...

Bwa mbere Umuhanzikazi Alyn Sano avuze ku mashusho amaze iminzi acicikana...
27 May 2022 0

Briana wahoze ari umukunzi wa Harmonize akomeje kugirira ibihe byiza i...

Nyuma yo kubona Briana w’umunya Australia uheruka mu rukundo na Harmonize...
27 May 2022 0