Kuri uyu wa Gatandatu tariki 12 Gashyantare 2022, ijonjora rya Miss Rwanda ryakomereje kuri Hill Top Hotel i Remera.
Muri rusange, abakobwa baratoranywa mu Mujyi wa Kigali bariyongera kuri 41 bamaze kuboneka mu zindi ntara ari nabo bazatoranywamo abagomba kujya mu mwiherero [Bootcamp].
Ijonjora ryo gutoranya abahagararira umujyi wa Kigali ryabereye kuri Hill Top Hotel I Remera mu mujyi wa Kigali.
Umukinnyi wa filime uri mu bakomeye mu Rwanda, Niyomubyeyi Noella uzwi nka Fofo muri filime (...)

Sponsored Ad

Kuri uyu wa Gatandatu tariki 12 Gashyantare 2022, ijonjora rya Miss Rwanda ryakomereje kuri Hill Top Hotel i Remera.

Muri rusange, abakobwa baratoranywa mu Mujyi wa Kigali bariyongera kuri 41 bamaze kuboneka mu zindi ntara ari nabo bazatoranywamo abagomba kujya mu mwiherero [Bootcamp].

Ijonjora ryo gutoranya abahagararira umujyi wa Kigali ryabereye kuri Hill Top Hotel I Remera mu mujyi wa Kigali.

Umukinnyi wa filime uri mu bakomeye mu Rwanda, Niyomubyeyi Noella uzwi nka Fofo muri filime Papa Sava, ni umwe mu bakobwa bagerageje amahirwe mu irushanwa rya Miss Rwanda 2022 gusa yabonye Oya eshatu na Yego imwe.

Umujyi wa Kigali wiyandikishijemo abakobwa 190 barimo n’umukinnyi wa Filimi Niyomubyeyi Noella uzwi nka Folomina [FOFO] muri Papa Sava.

Hamaze gutorwa ba Nyampinga b’u Rwanda 10, batatu muri bo bavuye mu Burengerazuba bw’u Rwanda.

Iyi Ntara niyo yibarutse Kundwa Doriane wabaye Miss Rwanda 2015. Ni mu gihe Intara y’Amajyepfo yibarutse Miss Kayibanda Mutesi Aurore na Grace Bahati.

Naho Intara y’Iburasirazuba yibarutse Akiwacu Colombe Miss Rwanda 2014. Umujyi wa Kigali wibarutse Miss Nishimwe Naomie, Ingabire Grace n’abandi.

Abakobwa batsinze amajonjora mu Ntara enye

Abakobwa 9 batsindiye guhagararira Intara y’Iburengerazuba ni No 33. Umubyeyi Sandrine, No 04. Isaro Nadia, No 15. Stella Matutina Murekatete, No 17. Kazeneza Marie Merci, No 32. Mwiza Amelia, No 21. Muringa Jessica, No 02. Keza Maolithia, No 03. Uwajeneza Peggy na No 06. Nshuti Divine Muheto.

Abakobwa icyenda babonye itike yo guhagararira Intara y’Amajyepfo muri Miss Rwanda 2022 ni Uwimana Jeannette [40], Tanganyika Elisabeth [No 1], Ashimwe Michelle [No 32], Kamikazi Queen Roxanne [No 13], Ikirezi Hapiness [No 3], Ruzindana Belyse [No 31], Ituze Ange Melissa [No 14], Irakoze Sabrine Huguette [No 34] na Keza Melissa [No 24].

Abakobwa 14 batsindiye itike yo guhagararira Intara y’Uburasirazuba muri Miss Rwanda 2022 ni Ikirezi Musoni Kevine [No 11], Uwase Teta Sheena [No 40], Mwiza Oliver [No 24], Nzamukosha Patricia [No 66], Mutoni Pascaline [No 60], Umulisa Lidvine [No 45], Keza Nadia [No 71], Uwase Lucie [No 23], Uwase Esther [No 64], Nkusi Lynda [No 29], Mugabekazi Ndahiro Queen [No 73], Umuhoza Emma Pascaline [No 10], Ibirezi Noella [No 35] na Nzobe Nikita Imani [No 17].

Abakobwa 9 batsindiye gukomeza mu Ntara y’Amajyaruguru ni No 22. Ishimwe Muhayimpundu Adelaide, No 37. Mutavu Manzi Leslie, No 04. Nshuti Vanessa, No 08. Bagiriteto Aliane, No 01. Uwase Mignone, No 10. Umutoniwase Dianah, No 33. Cyiza Raissa, No 30. Kaberuka Emmanuella na No 40. Igiraneza Mugisha Ghislaine.

Abagize Akanama Nkemurampaka ka Miss Rwanda 2022 ni bantu ki? Mutesi Jolly yabaye Nyampinga w’u Rwanda 2016. Ni we watangije ibiganiro bimaze kumenyekana cyane nka Inter-Generation Dialogue. Yabaye Umunyarwanda wa mbere witabiriye amarushanwa ya Miss World ahagarariye u Rwanda. Ni Visi Perezida wa Miss East Africa, irushanwa ry’ubwiza rihuza abakobwa bo mu bihugu bitandukanye muri aka karere u Rwanda ruherereyemo. Yatowe nka Best Female Celebrity mu 2019.

Umurerwa Evelyne afite uburambe bw’imyaka irenga 20 mu itangazamakuru rikoresha amashusho. Yagaragaye mu kanama nkemurampaka mu marushanwa atandukanye y’ubwiza haba ku rwego rw’Igihugu na kaminuza. Yatsindiye igihembo cy’Umunyamakuru w’Umugore witwaye neza mu 2018.

James Munyaneza ni umunyamakuru w’umwuga ufite uburambe bw’imyaka 20 muri iyo mirimo. Ni umwanditsi wa The New Times, umutoza w’itangazamakuru akaba anatanga inyigisho zitandukanye muri Kaminuza. Uyu ni umwaka wa kane agaragara mu kanama nkemurampaka muri Miss Rwanda.