Umunyamideli akaba n’umukinnyi wa filimi w’umunyamerika Katherine Elizabeth Upton w’imyaka 26 uherutse gutorwa nk’umukobwa ukurura abagabo kurusha abandi bose muri 2018 n’ikinyamakuru gikomeye cyitwa Maxim magazine akomeje kuvugisha benshi mu bagabo kubera ubwiza budasanzwe afite.

Uyu mukobwa yahize abandi mu matora yakozwe n’abafana hirya no hino,ni umwe mu bari kugarukwaho ku mbuga nkoranyambaga ndetse amafoto ye akomeje gukwirakwira hirya no hino ku isi.

Uyu mukobwa uherutsa kuba uwa mbere ku rutonde ruzwi nka “Hot 100”,yavuze ko kuba uwa mbere mu gukurura abagabo yari abikwiriye kubera ko yashyize imbaraga mu kwita ku mubiri we.

Kate yigaranzuye Hailey Baldwin watsinze umwaka ushize ndetse bimuhesha amahirwe yo gusohoka ku gifubiko cy’iki kinyamakuru cyibanda ku bwiza bw’abakobwa.