Ku mugoroba wo ku munsi w’ejo tariki ya 2 Gicurasi nibwo habaye ibirori bya Met Gala 2022 , bifatwa nk’ibikomeye mu ruganda rw’imideli byitabiriwe n’ibyamamare bitandukanye mu kumurika imideli ku Isi ,ari nabyo byamuritswemo ikibumbano cyakorewe Rihanna uri kwitegura kwibaruka imfura ye na A$AP Rocky .

Sponsored Ad

Mu birori bya MET GALA 2022 Umuhanzikazi Rihanna yaraye agenewe impano y’ikibumbano yakorewe kimugaragaza atwite dore ko kubera gukurirwa atabashije kwitabira ibi birori, maze abashimira iki gikorwa bamukoreye yise icy’amateka.

Ikinyamakuru Dailymail.com cyatangaje ko iki kibumbano cyakozwe n’inzu ndangamurage ya Metropolitan Museum of Art. Umuhanzikazi Rihanna mu byishimo byinshi yashimiye Vougue Magazine n’iyi nzu ndangamurage yamuhaye icyubahiro, anashimira Met Gala atabashije kwitabira uyu mwaka abicishije ku rubuga rwa Instagram.

Muri Videwo ikurikira irebere ikibumbano cyakorewe umuhanzikazi w’icyamamare Rihanna witegura Kwibaruka mu minsi yavuba na Rocky.

View this post on Instagram

A post shared by Vogue (@voguemagazine)

Rihanna abinyujije kuri Instagram yashimiye abateguye ibirori bya Met Gala ndetse anashimira n’ikinyamakuru rurangiranwa mu mideli ku isi cya Vogue cyamukoreye iki kibumbano , yagize ati”Ni ikihe kintu kindi cy’agaciro cyaruta iyi shusho, mbega nshimye Met Museum na Vogue Magazine ku bw’iki cyubahiro gikomeye mu mateka, muri ab’agatangaza.”

Iki kibumbano kikaba cyaraye cyerekanwe mu mpera z’ibirori bya Met Gala 2022 Rihanna atabashije kwitabira, kubera ko ari mu bihe yitegura kwibaruka imfura ye na A$AP Rocky.