skol

Ruger yasesekaye i Kigali yakirwa muburyo butangaje [AMAFOTO]

Imyidagaduro   Yanditswe na: Rebecca UFITAMAHORO 15 February 2022

Umunya-Nigeria Michael Adebayo Olayinka wamamaye ku izina rya Ruger yamaze yasesekakara i Kigali aho aje gutaramira abanyarwanda mu gitaramo cya Drip City.


Uyu muhanzi yasesekaye ku kibuga cy’indege cya Kanombe kuri iki gicamunsi cyo kuri uyu wa Kabiri tariki 15 Gashyantare i saa sita zirengaho iminota 52,aturutse kibuga cy’indege cya Entebbe muri Uganda.

Ruger akigera ku kibuga cy’indege I kanombe, abamushinzwe ntibashatse ko agira icyo atangariza itangazamakuru ryari ryabukereye ryaje kumwakira ,bahise bamujyana mu modoka ya Land Cruiser yamujyanye kuri hoteli aho agiye kuba acumbitse mbere yo gutaramira abanyarwanda ku wa Gatandatu tariki 19 Gashyantare 22, ariko basobanura ko hari ikiganiro n’itangazamakuru.

Ruger azakorera igitaramo kuri Canal Olympia. Kwicara mu myanya isanzwe umuntu azishyura 10.000 Frw, muri VIP bibe 25.000 Frw mu gihe ameza y’abantu batandatu azaba ari 300.000 Frw.

Uyu musore watumiwe na Sosiyete ya Drip City Ent azaririmbana n’abahanzi batandatu bo mu Rwanda barimo Gabiro Guitar, Okkama, Kenny K-Shot, Ish Kevin, Ariel Wayz na Afrique ndetse na mugenzi we na we wo muri Nigeria witwa AV.

Dj Toxxyk na Marnaud bazafatanya na DJ SL uri mu bavanga imiziki bakomeye muri Nigeria, gususurutsa abazitabira.

Ruger (izina yahawe na D’Prince wavumbuye impano ye) ni umusore mushya mu muziki ariko uri mu bagezweho muri Nigeria no muri Afurika muri rusange.

Uyu yamenyekanye cyane mu 2021 ubwo Isi yose yari ihanganye n’icyorezo cya Covid-19.

Ruger cyangwa se Mr Dior nk’uko muri iyi minsi yiyita, yazamutse cyane mu muziki nyuma yo gusinyana amasezerano y’imikoranire na D’Prince binyuze muri sosiyete ye ifasha abahanzi yitwa ‘Jonzing World Record’.

Muri Werurwe 2021 nibwo uyu musore yasohoye EP yise ‘Pandemic’ iyi ikaba yariho indirimbo yise ‘Bounce’ yakunzwe bikomeye ituma atangira kuba inyenyeri ku bakurikirana umuziki.

Muri Gashyantare 2021, Ruger yasohoye EP[Extended Play] ye ya kabiri yise ‘The second wave’ iyi yariho indirimbo yise Dior iri mu zubatse izina rikomeye, ‘Snapchat’ n’izindi.

Uyu musore w’imyaka 22 y’amavuko aje mu Rwanda avuye muri Uganda aho yakoreye igitaramo mu mpera z’icyumweru gishize.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

New York: Umusore yinjiye mu iduka ararasa 10 bahasiga ubuzima 3...

Mu mujyi wa Buffalo muri Leta ya New York uwitwa Payton Gendron yatawe...
15 May 2022 0

Umuraperi ukomeye muri Amerika afunzwe azira gushinga agatsiko k’abajura...

Umuraperi Jeffery Lamar Williams wamamaye nka Young Thug afunzwe...
15 May 2022 0

Eddy Kenzo yahishuye ko yabaye mu muhanda ubwo yahaga impanuro uwagerageje...

Umuhanzi ukunzwe na benshi ukomoka mu gihugu cya Uganda yahishuye ko yabaye...
14 May 2022 0

Ku mugore dore inama zishobora kukurinda gusenya, urugo rwawe...

Abagore benshi hari amakosa bakunze gukora abatazi ko ashobora kubasenyera...
14 May 2022 0

Aline Gahongayire yavuze kuri Prince Kid, agereranya Miss Muheto na Esiteri...

Umuhanzikazi mu ndirimbo zo kuramya no guhimbaza Imana uzwi nka Aline...
14 May 2022 0

Hamenyekanye impamvu Elon Musk yahagaritse kugura urubuga rwa...

Umwe mu bayoboye urutonde rw’abakire ba mbere ku Isi Elon Musk ahagaritse...
14 May 2022 0