Ikipe ya Nottingham Forest yemeje Sean Dyche nk’Umutoza Mukuru, aho yamuhaye amasezerano azageza mu mpeshyi ya 2027, asimbuye Ange Postecoglou.

Mu mpera z’icyumweru gishize ni bwo Nottingham Forest yirukanye Ange Postecoglou amaze iminsi 39 atoza iyi kipe, nyuma y’iminota 17 gusa atsinzwe na Chelsea ibitego 3-0.

Ubuyobozi bwananiwe kwihanganira umusaruro mubi w’uyu mugabo w’imyaka 54 wari umaze imikino umunani nta manota atatu, buramwirukana bujya ku gitutu cyo gushaka undi wo kumusimbura.

Akazi kahawe Dyche watoje amakipe arimo Burnley na Everton, akaba kandi agiye kuba uwa gatatu utoje Nottingham Forest muri uyu mwaka w’imikino wa 2025/26.

Uwa mbere yari Nuno Espirito Santo wirukanywe nyuma y’imikino itatu gusa.

Nottingham Forest iri ku mwanya wa 18 n’amanota atanu gusa ku rutonde rw’agateganyo rwa Shampiyona y’u Bwongereza, ikaba igomba guhura na Bournemouth mu mukino w’Umunsi wa Munani uteganyijwe ku Cyumweru, tariki ya 26 Ukwakira 2025.