Umuhanzikazi Taylor Swift [Taylor Alison Swift ] yatangaje ko agiye gushyiraho televiziyo ye bwita izajya itambutswaho ibikorwa bya muzika ye haba mu ifatwa ry’amashusho kugeza ageze hanze.
Taylor Swift yakunzwe cyane mu ndirimbo “Shake It Off”, “Blank Space”, “Bad Blood” yakoranye na Kendrick Lamar n’izindi zitandukanye. Ni umwe mu baririmbyi bagiye bamamara kubera ibikorwa byabo cyane ko yamenyekanye nk’umuhanzi, umwanditsi, umusemuzi n’umukinnyi wa filime wo muri Amerika. Asanzwe ayoboye (...)

Sponsored Ad

Umuhanzikazi Taylor Swift [Taylor Alison Swift ] yatangaje ko agiye gushyiraho televiziyo ye bwita izajya itambutswaho ibikorwa bya muzika ye haba mu ifatwa ry’amashusho kugeza ageze hanze.

Taylor Swift yakunzwe cyane mu ndirimbo “Shake It Off”, “Blank Space”, “Bad Blood” yakoranye na Kendrick Lamar n’izindi zitandukanye. Ni umwe mu baririmbyi bagiye bamamara kubera ibikorwa byabo cyane ko yamenyekanye nk’umuhanzi, umwanditsi, umusemuzi n’umukinnyi wa filime wo muri Amerika.

Taylor Swift yemeje ko agiye gutangiza Television nshya ivuga k’ubuzima bwe

Asanzwe ayoboye urutonde rw’ibyamamare byinjije amafaranga menshi muri 2016. ’Taylor Swift Now’ niryo zina yahisemo kwita Television ye nshya agiye gushyira hanze aho abantu bazajya babasha gukurikirana amakuru yose y’ubuzima bwe bwite.

Uyu muhanzikazi avuga ko kuri iyi Television, hazajya hatambutswa amashusho atarambuka kuzindi Television. Abazajya bakurikira iyi televiziyo nshya ya Taylor Swift, bafite amahirwe yo kureba ifatwa ry’amashusho rya zimwe mu ndirimbo aba ari gukora bizwi [behind-the-scenes footage].

Ubuyobozi bwa kompanyi ya AT&T izajya ifasha uyu muhanzi gutambutsa amashusho kuri iyi televiziyo ku bagura ifatabuguzi rya DirecTV, bwavuze ko abakunzi be bazajya babasha kubona “amakuru yihariye ku rugendo rwe muri muzika ndetse n’ajyanye n’ubuzima bwe muri rusange.”

Uyu muhanzi yavutse taliki ya 13 Ukuboza 1989 ahitwa Reading muri Pennsylvanie. Taylor yaje kwimukira mu mujyi witwa Nashville muri Tennessee ku myaka 14 gusa y’amavuko kugira ngo akurikirane neza umwuga we w’ubuhanzi mu njyana ya “Country music”.

Nkuko Forbes Magazine ibitangaza Taylor yabashije kwinjiza amafaranga miliyoni 220 z’amadorari mu gihe kingana n’imyaka 5, kuko yinjije miliyoni 18 z’amadorari muri 2009, yinjiza miliyoni 45 muri 2010, yongera kwinjiza miliyoni 45 z’amadorari muri 2011, mu mwaka wa 2012 yinjiza 57 naho muri 2013 yinjiza miliyoni 55 z’amadorari.