Mugiraneza Thierry uzwi ku izina rya Tizzo, umwe mu basore batatu bagize itsinda ry’abaririmbyi Active, yashyize hanze ikimenyetso cyerekana ko yinjiye mu rukundo n’umukobwa mushya atifuje gutangaza amazina ye.
Tizzo yavuzwe mu rukundo na Miss Hitayezu Belyse. Mu minsi ishize uyu muhanzi yakunze kumvikana mu bitangazamakuru avuga ko atari mu rukundo na Belyse ahubwo ari inshuti isanzwe ndetse ko afite undi bakundana atashatse gutangaza.
Mu gitondo cyo kuri uyu wa Mbere tariki ya 2 (…)

Mugiraneza Thierry uzwi ku izina rya Tizzo, umwe mu basore batatu bagize itsinda ry’abaririmbyi Active, yashyize hanze ikimenyetso cyerekana ko yinjiye mu rukundo n’umukobwa mushya atifuje gutangaza amazina ye.

Tizzo yavuzwe mu rukundo na Miss Hitayezu Belyse. Mu minsi ishize uyu muhanzi yakunze kumvikana mu bitangazamakuru avuga ko atari mu rukundo na Belyse ahubwo ari inshuti isanzwe ndetse ko afite undi bakundana atashatse gutangaza.

Mu gitondo cyo kuri uyu wa Mbere tariki ya 2 Mutarama 2017, Tizzo yanditse ku rukuta rwa Instagram agaragaza ibyishimo atewe n’umukunzi we wijihije Isabukuru y’amavuko. Mu butumwa yashyizeho byumvikanisha ko imyaka n’ubwo yahita ariko azakomeza kubana nawe.

Uyu muhanzi yashyizeho ifoto y’uwo mukobwa ariko yirinda gutangaza amazina ye. Yagiza ati "Ivumbi n’ imyotsi ni bimara kuvaho, nziko tuzagumana indi myaka myinshi..Isabukuru Nziza kuri wowe kandi Inzozi zawe zizakubere Impamo."

Mu yandi magambo ’Ibibazo byose ni bimara kurangira nziko tuzagumana imyaka myinshi "

Hitayezu Belyse wavuzwe mu rukundo na Tizzo mu minsi yatambutse, ni umwe mu bakobwa batatu bakoraga ikiganiro kitwa The Real Women Show cyatambukaga kuri Tv 10 akaba yaranitabiriye irushanwa rya nyampinga w’u Rwanda inshuro ebyiri.

Yahataniye ikamba rya Nyampinga w’u Rwanda mu mwaka wa 2014, icyo gihe yabaye Nyampinga w’Intara y’Amajyepfo atsindwa ku rwego rw’igihugu. Muri 2015 yaragarutse aviramo mu cyiciro cya nyuma.