Umuhanzi w’umunyarwanda umwe rukumbi Bruce Melodie ni umwe mu barenga 30 batumiwe mu gitaramo cyiswe Afro East Carnival cyateguwe na Harmonize usigaye ufitanye imikoranire myiza n’uyu muhanzi.

Sponsored Ad

Iki gitaramo kizabera ahitwa Tabata Shule mu Mujyi wa Dar es Salaam muri Tanzania.

Ni iserukiramuco rizitabirwa n’abahanzi b’amazina akomeye nka Harmonize, Eddy Kenzo, Awilo Longomba, Roberto, Sat B, Big Fizzo, Otile Brown, Fik Fameika, Bruce Melodie n’abandi.

Bruce Melodie abashije gushyirwa ku rutonde rw’abazitabira iri serukiramuco nyuma yo gukorana indirimbo ebyiri nubwo zitarasohoka.

Bruce Melodie yerekeje muri Tanzania mu ntangiriro z’uyu mwaka ahakorera indirimbo zirimo na ’Izina’ iherutse gusohoka.

Bruce Melodie aherutse gutangira imikoranire na Konde Gang nyuma y’uko uyu muhanzi yari amaze kubona sosiyete nshya imufasha mu muziki 1:55 AM Ltd.

Uyu muhanzi mbere yo kujya muri Tanzania, mu mpera z’iki cyumweru afite igitaramo mu Mujyi wa Goma kikazaba tariki 12 Gashyantare 2022.

Indirimbo ya Bruce Melodie yakoreye muri Tanzania