skol

Umunyamakuru wa BFMTV y’Abafaransa yiciwe muri Ukraine

Imyidagaduro   Yanditswe na: Rebecca UFITAMAHORO 31 May 2022

Umunyamakuru w’Umufaransa yiciwe muri Ukraine nyuma y’aho imodoka yari arimo yateweho igisasu n’igisirikare cy’u Burusiya mu Mujyi wa Sievierodonetsk uri mu Burasirazuba bwa Ukraine.


BFMTV yatangaje ko yababajwe n’urupfu rw’umunyamakuru wayo witwa Frédéric Leclerc-Imhoff wari ufite imyaka 32, wari umaze imyaka itandatu akorera icyo gitangazamakuru.

Byari ku nshuro ya kabiri Imhoff agiye mu butumwa bwo gutara inkuru mu bice by’intambara n’amakimbirane. Itangazo ryashyizwe hanze rivuga ko uwo munyamakuru wakoraga n’inshingano zo gufata amashusho, yiciwe ku muhanda wa Lysychansk.

Mugenzi we bari kumwe Maxime Brandstaetter, we yakomeretse byoroheje mu gihe umuntu wari ubayoboye muri uru rugendo, Oksana Leuta, ntacyo yabaye.

Perezida w’u Bufaransa, Emmanuel Macron, yatangaje ko uwo munyamakuru yari muri Ukraine kugira ngo yerekane ukuri kw’intambara iri kuhabera.

Yavuze ko yihanganishije umuryango we, inshuti n’abo bakoranaga.

Perezida Volodymyr Zelenskiy yatangaje ko mu gihe kitageze ku kwezi, yari yahaye ikiganiro igitangazamakuru uwo munyamakuru yakoreraga. Yavuze ko bwari ubwa mbere aganiriye n’igitangazamakuru cyo mu Bufaransa.

Ati “Abaye umuntu ukora mu itangazamakuru wa 32 wishwe kuva ku wa 24 Werurwe.”

BFMTV yavuze ko urupfu rw’umunyamakuru warwo rusobanura akaga abanyamakuru bahura nako iyo bari gutara inkuru mu bice birimo amakimbirane n’intambara.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Impaka zikomeje kuba nyinshi kuri Dj Dizzo urembye bivugwa ko yafungiwe...

Impaka zikomeje kuba nyinshi kuri Mutambuka Derrick uzwi nka Dj Dizzo uri...
1 July 2022 1

Dore ibintu umugore ashobora gukora umugabo we akaba atatekereza...

Rimwe na rimwe usanga abagore bibaza impamvu abagabo babo babaca inyuma...
1 July 2022 0

La Fouine yavuze ko yatunguwe n’imyitwarire urubyiruko rwo mu Rwanda...

Umuraperi w’umufaransa Laouni Mouhid wamamaye nka La Fouine yavuze ko...
1 July 2022 0

Abimukira n’abantu nk’abandi kandi bakwiye icyubahiro! La Fouine yavuze ku...

Laouni Mouhid,Umuhanzi ukomeye w’umwirabura utuye mu Bufaransa wamamaye nka...
1 July 2022 0

Nana avuze ikintu cyamushimishije mu rugo, yerekana impeta umugabo we...

Uwamwezi Nadege wamenyekanye muri Sinema Nyarwanda by’umwihariko muri Filime...
30 June 2022 0

Rusizi: Umugore yaje guhagarika ubukwe bw’umugabo babyaranye ubuyobozi...

Mu Karere ka Rusizi mu Murenge wa Kamembe umugore yaje guhagarika ubukwe...
30 June 2022 1