skol

Umunyarwandakazi Umunyana Shanitah niwe wegukanye ikamba rya Miss East Africa 2021

Imyidagaduro   Yanditswe na: Dusingizimana Remy 25 December 2021

Umunyana Shanitah wari uhagarariye u Rwanda yegukanye ikamba rya Miss East Africa 2021 mu irushanwa ryaberaga muri Tanzania ku nshuro yaryo ya mbere.

Ibirori byo gutanga ikamba rya Miss East Africa ku nshuro yayo ya mbere byabereye mu Mujyi wa Mlimani muri Tanzania.

Miss Umunyana yambitswe ikamba kuri uyu wa 25 Ukuboza 2021, nyuma yo gutoranywa mu bakobwa 12 bari bahagarariye ibihugu birimo u Burundi, Tanzania, Uganda, Kenya, Ibirwa bya Comores, Ethiopie, Sudani y’Epfo n’ibindi.

Aba bakobwa bari bamaze ukwezi mu mwiherero bahabwa amahugurwa atandukanye, uyu munsi bakaba berekanye bimwe mu byo bize birimo kugenda neza, kwerekana umuco w’ibihugu byabo ndetse no kuvugira mu ruhame.

Mu myiyereko bakoze harimo ko buri wese yaserutse mu mwambaro gakondo w’igihugu cye ndetse bagera no mu gice cyo kwerekana impano aho Miss Umunyana Shanitah yabyinne amaraba.

Haje gutoranywa abakobwa batandatu bahize abandi mu kwiyerekana aribo batoranyijwemo Miss ndetse n’ibisonga bye bitatu. Batandatu batoranyijwe babajijwe ibibazo n’Akanama Nkemurampaka kari kayoboye na Paul Siniga uzwi nka Rio Paul karimo na Miss Mutesi Jolly na Miss Lindah.

Aba batandatu bahaswe ibibazo mbere y’uko hatoranywa nyampinga n’ibisonga bye, habanje gutangwa andi makamba ajyanye n’uko abakobwa bose bitwaye mu mwiherero arimo Miss Congeniality na Photogenic.

Nyuma Rio Paul yahise atangira kuvuga abegukanye amakamba aho igisonga cya kabiri cya Miss East Africa cyabaye Oceanne Rose ukomoka muri Île Maurice, igisonga cya mbere yagizwe Queen Mugesi wari uhagarariye Tanzania.

Nyuma yo gutangaza ibisonga Rio yashimye abakobwa bose umurava bagaragaje mu irushanwa avuga ko bose bakoze ariko hatoranyijwe uwabahize muri byose haba ubwiza n’ubwenge ariwe Umunyana Shanitah ukomoka mu Rwanda.

Uwatangaje uwegukanye ikamba yagize ati "Nyampinga wa Miss East Africa akomoka mu gihugu cya Perezida Kagame, u Rwanda.’’

Mu kiganiro Miss Shanitah yagiranye na WASAFI Tv nyuma yo gutsinda yashimye Miss East Africa ku cyizere yamugiriye avuga ko agiye guhita akora ku mushinga we.

Ati “Ndishimye cyane, mbere ya byose ndashimira abategura Miss East Africa ku cyizere bangiriye ndetse n’aya mahirwe baha abana b’abakobwa bakabasha kugaragaza ibibarimo.”

“Iyi ni itsinzi y’u Rwanda igihugu cyanjye ndetse n’abakobwa bagenzi banjye twari kumwe mu irushanwa. Mfite umushinga wo gushishikariza abakobwa kujya mu guhanga udushya ni cyo kintu cya mbere ngiye gukora.”

Miss Umunyana Shanitah yahembwe imodoka yo mu bwoko bwa Nissan Xtrail 2021 nshyashya igura ibihumbi 44 $, angana na miliyoni 44 Frw. Uretse iyi modoka azajya ahabwa umushahara wa 1500 $, arenga 1.500.000 Frw buri kwezi.

Igisonga cya Mbere cyahembwe 5000 $, arenga miliyoni 5 Frw, mu gihe Igisonga cya Kabiri yahawe 3000 $, arenga miliyoni 3 Frw.

Umunyana Shanitah w’imyaka 22 yabaye igisonga cya mbere cya Nyampinga w’u Rwanda 2018, akaba na Miss supranational Rwanda 2019.









Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abategura irushanwa rya Mr Rwanda batangaje ko Super Manager ari mu basore...

Ku nshuro ya mbere mu Rwanda hagiye kubera irushanwa ryo gutora umuhungu...
21 January 2022 0

Ibyamamare birimo Meddy batangije igikorwa cyo gukusanya miliyoni 6 zo...

Abiganjemo ibyamamare nyarwanda nka Meddy, Kamichi, Patycope, Ella n’abandi...
21 January 2022 0

Sky2 yasezeranye imbere y’amategeko n’umukunzi we[AMAFOTO]

Umuraperi Sky2 wamamaye cyane kumvugo nka wabagahe, nizindi zitandukanye...
20 January 2022 0

Ihere ijisho amafoto ya Mushiki wa Mutsinzi Ange uri guhatanira ikamba...

Umukobwa witwa Liliane Ugirwabo akaba na mushiki w’umukunnyi Mutsinzi Ange...
20 January 2022 0

Ubuzima bwa Miss Ingabire Grace nyuma y’isubikwa rya Miss World...

Nyuma y’isubikwa ry’irushanwa rya Miss World 2021 ku munota wa nyuma hirindwa...
20 January 2022 0

Kenya: Umu Dj yiyahuriye muri studio za Capital FM

Icyamamare mu kuvanga umuziki Dj Alex wakoraga kuri Capital FM yo muri...
20 January 2022 0