skol

Umusore Lil Nas yogeye kwibasirwa bikomeye nyuma yo gusohora amafoto yakorewe Baby Shower

Imyidagaduro   Yanditswe na: Rebecca UFITAMAHORO 17 September 2021

Umuraperi w’umutinganyi Lil Nas X ugenzweho muri Reta Zunze Ubumwe za America yongeye guca ibintu ku mbuga nkoranyambaga, nyuma y’aho yasohoye amafoto atandukanye atwite ateguza abakunzi be album yenda gusohora yise ’Montero’, kuri ubu yakoze ibirori bya ‘Baby Shower’ bikorwa (cyangwa bikorerwa) n’abagore benda kwibaruka. Ibi abenshi babyamaganiye kure bamubwira ko yarengereye ndetse ko adakwiye gukinira ku babyeyi n’abana.


Lil Nas X yavuze ko aya mafoto ari ateguza album yenda gusohora, ndetse ko iyi album ayifata nk’umwana we ariyo mpamvu avuga ko atwite.

Montero Lamar Hill umaze kwamamara ku izina rya Lil Nas X mu muziki, ni umuraperi ugezweho muri Amerika udahwema kuvugwa cyane mu itangazamakuru, bitewe n’udushya ahorana. Mu minsi ishize uyu muraperi wemeye ko ari umutinganyi ku mugaragaro, yasohoye amafoto menshi agaragaza ko atwite gusa agamije kwamamaza album nshya yenda gusohora yise ’Montero’, iyi album akaba avuga ko ayigereranya n’umwana wenda kuvuka akaba ariyo mpamvu atwite.

N’ubwo bizwi ko bidashoboka ko umuhungu yasama, ntabwo byabujije Lil Nas X gukoresha inda itari iya nyayo, akerekana ko atwite nyamara ataribyo. N’ubwo kandi yanenzwe cyane hirya no hino kumbuga nkoranyambaga, ntibyamubujije kongera gucisha ururondogoro abantu ubwo yakoraga ibirori bya ’Baby Shower’, bisanzwe bikorwa n’abagore benda kwibaruka. Yatangaje ko abikoze kuko umwana atwite agiye kuvuka, ariyo album agiye gusohora. Ibi byateje amagambo menshi kumbuga nkoranyambaga, benshi bamubwira ko yarengereye ndetse ko ari ugusuzugura no gukinira ku babyeyi n’abana.

Mu mafoto akurikira, irebere uko ‘Baby Shower’ y’umutinganyi Lil Nas X yari yifashe:



Lil Nas X w’imyaka 22 umaze kumenyerwaho gukora ibintu bitangaje, birimo kwamamaza inkweto zirimo amaraso y’abantu nyuma zigakurwa ku isoko, aherutse no kwerekana umuhungu bahuje igitsina bakundana. Kuri ubu yavuze ko iyi album agereranya n’umwana atwite, ko izasohoka kuri uyu munsi tariki ya 17Nzeri 2021.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mu magambo y’urukundo, Barack Obama yifurije isabukuru nziza umugore we...

Uwahoze ari perezida wa Leta zunze ubumwe za Amerika, Barack Obama...
18 January 2022 0

Jimmy warugize itsinda rya Just Family yasezeranye n’umukunzi we imbere...

Nyuma y’igihe gito yerekeje muri Leta Zunze Ubumwe za Amerika Shema Jimmy...
18 January 2022 0

Dore amagambo 4 aryoheye amatwi wabwira umukunzi wawe akamurutira andi...

Iyo abantu bakimena bifuza ku rushinga, usanga hari byinshi bwirana mu...
17 January 2022 0

Kate Bashabe uri mu banyamideri bakomeye yujuje inzu y’akataraboneka...

Kate Bashabe, Umunyamideli wubatse izina rikomeye mu gihugu yerekanye n’inzu...
17 January 2022 0

Umuhanzikazi Aline Gahongayire yahishuye ko ari murukundo rushya n’icyatumye...

Umuhanzikazi Aline Gahongayire uzwi cyane mu ndirimbo zaririmbiwe Imana...
17 January 2022 0

Hope Azeda yegukanye igihembo gikomeye muri ‘Segal Center Award’

Hope Azeda umunyerewe mu guhanga amakinamico ari mu bantu icumi bahawe...
17 January 2022 0