Umutesi Uwase Magnifique ukinira Indahangarwa WFC yamaze kumvikana na Simba Queens yasinyiye amasezerano y’imyaka ibiri.

Iyi kipe yo muri Tanzania yaguze igice cy’umwaka yari asigaranye mu Indahangarwa, yashimiye uyu mukinnyi bari bamaranye umwaka n’igice.

Umutesi asanzwe afatanya guconga ruhago no gusiganwa ku maguru aho akinira APR AC.

Ntabwo ari uyu mukinnyi w’Umunyarwanda gusa werekeje muri iyi kipe kuko iherutse no kugura rutahizamu wa AS Kigali WFC, Usanase Zawadi.

Simba Queens ni ikipe ikomeye mu Karere ka Afurika y’Iburasirazuba kuko iheruka kwegukana CECAFA ndetse imaze kwegukana Igikombe cya Shampiyona inshuro enye.

Usanase Zawadi nawe aherutse kwerekeza muri Simba Queens

Umutesi Magnifique yerekeje muri Simba SC yasinyiye amasezerano y’imyaka ibiri

Umutesi Magnifique asanzwe akina umukino wo gusiganwa ku maguru