skol
Fortebet

Wa mubyeyi umaze kubyara abana 44 ku myaka 41 yavuze uko byamugendekeye

Imyidagaduro   Yanditswe na: ISHIMWE JANE 27 July 2022

Umubyeyi w’imyaka 41 wo muri Uganda avuga ko kuba yarabyaye abana benshi bitewe n’uko mu mbyaro cumi n’eshanu eshanu yazibyayemo impanga abyara abana bane bane bivuze ngo mu mbyaro eshanu yari agize abana 20.


Uyu mugore witwa Mariam Nabatanzi avuga ko aba bana bose uko 44 yababyaye we ubwe bakava mu nda ye wenyine, aho imbyaro ya mbere yayibyaye ku myaka 13 nyuma yuko ashyingiwe ku mugabo w’umusaza wamurutaga cyane kuko yari afite imyaka 57.

Ibi yabivuze ubwo yaganiraga na Afrimax Tv ikorera kuri Youtube agaragara ari kumwe n’abana benshi kandi basa n’abari mu kigero kimwe arimo abagaburira.

Kubera aka gahigo ko kubyara abana benshi, bageze aho bamwita Mama Uganda ariko nyuma bakaza kumwita Mama Afurika kuko hari abanyamahanga benshi bagiye baza kumusura kubera gutungurwa n’ibi bitangaza.

Ati “Nubu hari benshi batazi amazina yanjye y’ukuri, banyita amazina menshi y’amatazirano, nka Mama Uganda, Mama benshi ndetse hari n’abanyita Mama bane kuko mbyara abana bane ku mbyaro imwe.”

Mariam Nabatanzi avuga ko yabyaye impanga z’abana bane inshuro eshanu [ubwo ni abana 20] ubundi akabyara impanga z’abana batatu izindi nshuro eshanu [abana 15], ubundi abyara impanga z’abana babiri ku mbyaro nanone eshanu [ubwo ni abana 10].

Uyu mugore uvuga ko yavutse ari umuhererezi mu muryango, atangaza ko abavandimwe be bose bishwe na mukase washatswe na Se ubwo nyina yari amaze kwirukanwa n’umugabo we.

Avuga ko ari cyo gituma yumva akunze abana be urukundo rudasanzwe gusa akagira igikomere yasigiwe no kuba umugabo bababyaranye yarabamutanye.

Agaragaza agahinda yatewe n’urushako kuko uretse kuba uyu mugabo we yaramutanye aba bana 44, yanashyingiwe atabishaka.

Gusa avuga ko abonye undi mugabo akamukunda, bakwibanira ndetse ko yiteguye kuba babyarana barumuna b’aba bana 44.

Ati “Erega kubyara ntabwo ari bibi ahubwo mwe tubyarira [abagabo] ni mwe babi. Umugabo wese mwakundanye aba yifuza ko umubyarira ariko inshingano zo kurera zaza akakwitarutsa.”

Icyakora avuga ko yakuze yifuza kuzabyara abana barindwi kugira ngo nibura azibe icyuho cy’abavandimwe be bapfuye, kuko yumvaga batanu muri bo azabita amazina y’abavandimwe be batanu, naho abandi babiri bakaba abe n’umugabo we.

Ati “Ariko mu mbyaro zanjye ebyiri gusa nari maze kubagira.” Agahita ajya kwa muganga kuboneza urubyaro ariko ko uburyo bwose bwo kuboneza urubyaro bwanze umubiri we, agahitamo gukomeza kwibyarira.

Author : ISHIMWE JANE

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Ukuri

    Uyu mubyeyi ariko yakabaye ashyirwa mu gitabo cya Guinness de record. Mbese haba hari Indi mugore waciye agahigo nk’ ake? Ikindi kandi Leta ya Uganda yakabaye imufasha kurera aba bana.

    1 week ago

Inzindi nkuru

Nana ahishuye ikintu yakundiye umukunzi we n’igihe bazakorera...

Uwamwezi Nadege wamenyekanye nka Nana muri Filime y’uruhererekane yitwa City...
9 August 2022 0

Davis D ahishuye ko uretse gukorera ibitaramo i Burayi yahaboneye n’inkumi...

Umuhanzi umaze kwigarurira imitima y abenshi hano mu Rwanda ndetse no hanze...
9 August 2022 0

Umukobwa warize mu gitaramo cya The Ben yifuza kumuhobera avuze byinshi...

Umuhoza Hadidja wagaragaye yarize cyane avuga ko yifuza guhobera The Ben...
9 August 2022 1

Kanye West yabitse Pete Davidson ari muzima byongera kumuteranya na Kim...

Umuraperi Kanye West wahoze ari umugabo wa Kim Kardashian banabyaranye...
9 August 2022 0

Kizz Daniel wari watawe muri yombi na Polisi yo muri Tanzania arasaba kuza...

Umuhanzi ukomeye wo muri Nigeria wamenyekanye nka Kizz Daniel nyuma yo...
9 August 2022 0

Juno nawe yemeje ko abahanzi barambiwe agasuzuguro k’abigize abakomisiyoneri...

Umuhanzi Juno Kizigenza yunze murya Knny Sol yikoma abo yise abakomisioneri...
8 August 2022 0