skol

Wa mugabo wagaragaye abyina muburyo budasanzwe ku bukwe bwe yahishuye icyabimuteye gitangaje[AMAFOTO]

Imyidagaduro   Yanditswe na: Rebecca UFITAMAHORO 3 March 2022

Niba ukoresha imbuga nkoranyambaga nta kuntu waba utarabonye amashusho y’umugabo wari wakoze ubukwe maze abyina indirimbo ya Meddy yitwa ‘Queen of Sheba’ mu buryo budasanzwe byatunguye benshi harimo n’umugore we wavuze ko yumiwe, ni mu gihe umugabo ahamya ko byatewe n’uko batari bateguye uburyo bw’imibyinire.


Ni Bizumuremyi Stratton na Niyonsenga Jacqueline baba mu Karere ka Musanze mu Majyaruguru y’u Rwanda, bakoze ubukwe bamaze igihe babana aho banafitanye abana batatu.

Mu minsi ishize nibwo ku mbuga nkoranyambaga hasakaye amashusho y’aba bageni bakoze ubukwe, umugabo arimo abyina mu buryo budasanzwe, aho byashimishije abatari bake ndetse babisangiza abantu ku mbuga nkoranyambaga zabo.

Mu kiganiro uyu muryango yagiranye na Isimbi Tv dukesha iyi nkuru , Stratton yavuze ko uburyo yabyinnyemo byatewe n’uko nta ndirimbo ndetse n’uko bari bubyine bari bateguye mbere y’igihe, bisanga bagomba kwinjira aho biyakirira babyina, bumvikana ko buri wese abyina uko abyumva.

Ati “Nanjye abantu bambaza hari ukuntu mbura uko mbisobanura, urabona twari twaraye mu muhuro twitegura ubukwe (…) twaraje tuvuye kwifotoza, turaza tugeze hariya (aho biyakiriye) uko twakaraye ntabwo twigeze twitegura imbyino, tukiva mu modoka umwe araza ati Papa Krish ntabwo twigeze twitegura imbyino twinjiriraho, turinjira dute? Umwe aravuga ngo buri muntu n’umukobwa we, na we na Mama Krish tukinjira buri muntu n’umuntu we babyine uko abyumva.”

“Bivuze ko babiri babiri bari bafite imbyino yabo, twageze imbere mbona abasore bo batangiye kubyina ibyo bari bavuganye bya babiri babiri, twari tumaze kureba aho tugomba kwicara, naravuze ngo nanjye icyo ngomba gukora reka ubwo nanjye mbyine ibyanjye, ni kuriya nibyiniye, nikubitiye kariya gusa ibyago byanjye haje umuntu arambwira ngo have have.”

Umugore we akaba yavuze ko yumiwe kuko atatekerezaga ko yabyina kuriya ari umugeni ndetse ashimangira ko nta kintu na kimwe yari yanyweye nk’uko byavuzwe ko ashobora kuba yari yasomye kuri ka manyinya.

Uyu muryango uvuga ko wabanye muri 2009, 2011 nibwo basezeranye imbere y’amategeko, ubukwe bukaba bubaye muri 2022 byose byatewe n’uko nta bushobozi bari bafite, barakoze bashakira hamwe ibintu hamwe babonye bimaze kujya mu buryo nibwo bahisemo kuba bakora ubukwe.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mukansanga Salima yashyizwe mu bagore 3 bagiye gusifura mu gikombe cy’Isi mu...

Mu mateka y’igikombe cy’Isi komite y’abasifuzi ya FIFA yashyizeho abasifuzi...
19 May 2022 0

Ifoto y’Umunsi: Umuhanzi Igor Mabano yashyize hanze ifoto y’imfura ye...

Nyuma yo kwemeranya isezerano ry’akaramata mu mpera z’umwaka wa 2021...
19 May 2022 0

Ihere ijisho uburanga bwa Kourteny Kardashian uherutse gusezerana na...

Mu mafoto atandukanye ihere ijisho uburanga bwa Kourtney Kardashian ukomoka...
19 May 2022 0

Ibya Miss Rwanda bikomeje kuzamba !Umwe mubakobwa bitabiriye iri rushanwa...

Nyuma y’ifungwa ry’umuyobozi wa Rwanda Inspiration Back Up ryateguraga...
19 May 2022 0

Sheebah Karungi agiye guhishura umuyobozi ashinja ko yamuhohoteye

Umuhanzikazi ukomoka mu Gihugu cya Uganda wamamaye nka Sheebah Karungi...
19 May 2022 0

Uburanga bw’abakobwa babiri bitabiriye Miss Rwanda bari guca ibintu i...

Bimenyerewe ko irushanwa rya Miss Rwanda ari irushanwa ritanga amahirwe...
19 May 2022 0