skol

Wa mukobwa wareze Sadate kumufata ku ngufu ibye byarangiye nka filime

Imyidagaduro   Yanditswe na: Rebecca UFITAMAHORO 9 May 2022

Nyuma y’uko umukobwa witwa Afsa Karenze avuze ko Munyakazi Sadate wahoze ayobora Rayon Sports yamuhohoteye akamufata ku ngufu undi akabitera utwatsi, konti ye ya Twitter yakoresheje abivuga yayisibye ntikigaragara.


Ku wa Gatanu w’icyumweru gishize nibwo uyu mukobwa wakoreshaga amazina ya Afsa Karenzi yagiye ku rukuta rwe rwa Twitter akandika asaba Urwego rw’Igihugu rw’Ubugenzacyaha (RIB) kumurenganura ko Munyakazi Sadate wahoze ayobora Rayon Sports yamukoreye ihohoterwa ndetse akanamufata ku ngufu.

Yagize ati “Nakorewe ihohoterwa rishingiye ku gitsina nafatwa ku ngufu na Sadate Munyakazi. RIB nkeneye ubufasha bwanyu mundinde iri terabwoba.”

Ibi Munyakazi Sadate yahise abitera utwatsi na we abinyujije ku rukuta rwe rwa Twitter, aho yavuze ko uyu mukobwa nta we azi ndetse ko na we yabonye arimo kumusebya akihutira kubusiba.

Ati “Mbonye ubutumwa Afsa Karenzi uvuga ko namukoreye ihohotera rishingiye ku gitsina, uwo muntu uretse no kurimukorera si nanamuzi, ubwo butumwa bunsebya akaba yihutiye kubusiba, nyuma yo kubimenya nashatse kumenya uwo ariwe nifashije account ye, nasanze ari ba bandi basebya n’u Rwanda”

Yakomeje avuga ko uyu mukobwa yakabaye yitabaza inzego zibishinzwe aho kujya ku mbuga nkoranyambaga, ikintu abona we ari ugushaka kumwubakiraho izina.

Ati “Inzira nziza niba yumva yarahohotewe yagana Ubutabera aho gushakira kumenyekana ku mazina y’abandi ashaka kuyangiza, abantu tuvugisha ukuri twamagana abanzi b’Igihugu duhora twiteguye abantu nk’aba kandi niba ari yo nzira nshya bahisemo baribeshya nayo ntizabahira.”

Haje kugaragara ubundi butumwa bw’uyu mukobwa avuga ko yatanze ikirego muri RIB ariko aho kugikurikirana bakamuteza Sadate na we akaba ari yo mpamvu yanditse kuri kuri Twitter, ngo impamvu yasibye ubwo butumwa ni uko yabwiwe ko kugira ngo ikibzo cye gikemuke ari uko yabusiba.

Ati “Umugenzacyaha Teotime wa RIB HQs ni we wakiriye ikirego cyanjye tariki ya 5/3/2022. Nanditse kuri Twitter kubera ko aho kuntabara yanteje Munyakazi Sadate akamerera nabi cyane. Iki gitondo nasabwe gusiba ibyo nanditse niba nshaka ko bandenganura, nabikoze. Sindi umwanzi.”

Muri iki gitondo, Sadate yabyutse avuga ko ntacyo ari cyo ku buryo yaregwa aho gukurikiranwa bakamuteza uwareze, ngo u Rwanda siko rukora, yongera kuvuga ko iyi konti ishobora atari iya nyayo (fake).

Yongeye gushimangira ko ntaho aziranye n’uyu muntu ndetse ko ndetse ikintu yiyiziho ari uko abamwanga bamwangira ukuri n’abamukunda bakamukundira ukuri.

Nyuma y’ubu butumwa bwanditswe bukoreshejwe n’iyi konti yitwa Afsa Karenzi, bwose bwaje gusibwa ndetse n’iyi konti ubwayo ntikigaragaragara. Iyo ugerageje kuyishakisha bakubwira ko itabaho.

Konti ya Afsa Karenzi yamaze gufungwa

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Burna Boy yahishuye inkomoko y’umubano afitanye na Wizkid

Umuhanzi ukomeye muri Afurika ndetse akaba ari ni umwe mu batwaye ibihembo...
5 July 2022 0

Reba uburanga bw’uwahoze ari umukunzi wa Rayvanny [AMAFOTO]

Fahyma ni umunyamideli akaba na mama w’ umwana w’ umuhanzi Raymond Shaban...
5 July 2022 0

Rutahizamu wa APR FC ari mu biruhuko n’umugore we bitegura kwibaruka...

Rutahizamu w’ikipe ya APR FC Byiringiro Lague ari kuryoherwa n’ubuzima...
5 July 2022 0

Rayvanny arasaba Perezida wa Tanzania kumufasha gutandukana na Diamond mu...

Umuhanzi uri mubagezweho mu gihugu cya Tanzania wamenyekanye nka Rayvanny...
5 July 2022 0

Bwa mbere Diamond yahamije ko ari mu rukundo na Zuchu

Umuhanzi ukomeye muri Afurika by’umwihariko muri Tanzania wamenyekanye nka...
4 July 2022 0

Bushali n’umukunzi we bakomeje kuryoherwa mu munyenga w’urukundo(AMAFOTO)

Hagenimana Jean Paul wamenyekanye mu ruhando rwa Muzika nka Bushali akomeje...
4 July 2022 0