skol
Kigali

Abafana ba Arsenal basabye ko Arteta yakwirukanwa ikipe igahabwa Perezida Kagame wayifurije ibyiza

Imyidagaduro   Yanditswe na: Dusingizimana Remy 23 August 2021

Abafana ba Arsenal iri mu bihe bibi cyane kuva yabaho,basabye ko umutoza wayo Mikel Arteta yirukanwa hanyuma ikipe igahabwa umukunzi wayo nyakubahwa Perezida Kagame uherutse gusaba ko haba impinduka zituma idakomeza kuba insina ngufi.


Arsenal iri ku mwanya wa 19,mu cyiciro cy’amakipe ashobora kumanuka akava muri Premier League, ku nshuro ya mbere kuva mu kwezi kwa munani mu 1992.

Arsenal yatangiye shampiyona itsindwa na Brentford ibitego 2-0,ibi bitego nibyo yaraye itsinzwe na Chelsea ku kibuga cyayo ndetse igaragaza imikinire iri ku rwego rwo hasi.

Nyuma y’iminsi 533 ishize nta bafana baza ku kibuga Emirates Stadium,ejo baraje ndetse bamwe muri bo bakomera uyu mutoza bamusabira ko yirukanwa hanyuma ikipe igahabwa Perezida Kagame.

Nkuko tubikesha The Sun,umwe mu bafana ba Arsenal yateye urwenya ati “Nihabwe Perezida Kagame kugeza umwaka w’imikino urangiye.”

Muri Gicurasi uyu mwaka,Arsenal yongereye amasezerano ifitanye n’u Rwanda yo kwamamaza Visit Rwanda mu gihe kingana n’imyaka 4.

Nyuma yo gutsindwa na Brentford,Prezida Kagame kimwe n’abandi bafana bayo ku isi yose ntibishimiye imikinire yayo aho yavuze ko ikipe ikwiriye kubakirwa ku “gutsinda,gutsinda,gutsinda.”

Yongeyeho ko Arsenal ikwiriye kwanga gucishwa bugufi ahubwo hagakorwa impinduka yaba mu kugura abakinnyi n’ibindi.

Ati “Ni ibihe bitoroshye bimaze imyaka 10 cyangwa irenga, turi hejuru cyangwa hasi, cyane hasi kugeza ubu. Ese ntidushobora kugira gahunda nzima yadufasha? Ku ruhande rumwe icyo kwitaho ni uburyo twitwara ku isoko, abakinnyi tugura ngo bayishyire mu bikorwa. Uko bikorwa ubu nta mpinduka bizana.”

Perezida Kagame yavuze ko kandi abona hakwiye kubakwa ikipe ishoboye guhangana ku buryo n’iyo yatsindwa, byabaho nk’ibiyigwiririye.

Ati “Ntabwo tugomba gutanga urwitwazo cyangwa ngo twemere ko tudashoboye. Ikipe igomba kubakirwa ku ntego yo gutsinda, gutsinda, gutsinda bityo twanatsidwa bikaba ari ibitugwiririye. Ndabizi neza ko twese tuzi abo uyu mutwaro uremereye cyane ujya ku bitugu. Ndizera ko na bo babizi cyangwa babyemera."

Arsenal iracyari mu mazi abira kuko kuwa Gatandatu izasura Manchester City kandi imikinire yayo n’abakinnyi bayo bari hasi cyane hatabaye ibitangaza by’umupira izatsindwa ku nshuro ya 3 yikurikiranya.

Arteta we yavuze ko kuba bamwe mu bafana bakomereye ikipe nta kibazo yabibonyemo.

Ati "Abafana bari inyuma y’ikipe kuva mu ntangiriro. Igihe urimo gutsindwa, ntabwo wabitegaho kwishima".

"Badushyigikiye mu buryo bushoboka bwose. Iyo tudatsinze, bagomba kubigaragaza kandi ibyo ni ibisanzwe".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Messi yahishuye amakipe aha amahirwe yo kugora PSG muri UEFA Champions...

Umunyabigwi mu mupira w’amaguru ukinira PSG, Lionel Messi, yashyize...
14 October 2021 0

Ombolenga agiye kumara ukwezi kose adakinira APR FC

Omborenga Fitina, umunyarwanda ukina ku ruhande rw’iburyo yugarira muri APR...
14 October 2021 0

Wa munya Brazil waje gukinira Rayon Sports yavuze intego ikomeye imuzanye...

Rutahizamu ukomoka muri Brazil,Chrismar Malta Soares,waje gukinira Rayon...
14 October 2021 1

Agnes Tirop wahagarariye Kenya mu mikino Olimpike i Tokyo yiciwe mu rugo...

Ibitangazamakuru byo mu gihugu cya Kenya biri kuvuga cyane ku rupfu rwa...
13 October 2021 0

N’golo Kante yakoze ku mutima abakozi bo muri Resitora yagiye gufatiramo...

N’golo Kante yongeye kwerekana ko ari we mukinnyi wicisha bugufi kurusha...
13 October 2021 0

Edinson Cavani yasabwe gukora ikintu gikomeye kubera Cristiano...

Rutahizamu Edinson Cavani yasabwe kuva muri Manchester United kubera ko...
13 October 2021 0