skol
Kigali
Fortebet

Abafana ba Etincelles FC basagariye umusifuzi wongeje iminota 12 ku mukino/APR FC yihanije Bugesera FC

Imyidagaduro   Yanditswe na: Dusingizimana Remy 12 December 2021

Abafana ba Etincelles bashatse gusagarira umusifuzi wabasifuriye mu mukino bahuye na AS Kigali bakayitsinda igitego 1-0 mu minota 90 ariko akaza kongeraho iminota 10 yaje kurangira bishyuwe.

Etincelles FC yari imaze iminsi mu bihe bibi,iheruka guhamagama APR FC banganya 0-0 ariko uyu munsi yari yizeye kubona amanota 3 kuri AS Kigali itsindwa igitego mu minota irenga 10 umusifuzi yongeye kuri 90.

Abafana ba Etincelles barakaye cyane nyuma y’igitego cya Sugira Ernest ku munota wa 101 binjira mu kibuga gusagarira umusifuzi atabarwa na Polisi.

Aba bafana babazaga umusifuzi impamvu yongeye iminota 10 ku mukino bagatsindwa ku wa 11.

Étincelles yari yakiriye uyu mukino kuri Stade Umuganda, yafunguye amazamu ku munota wa 50 ku gitego cyatsinzwe na Akayezu Jean Bosco.

Nubwo abafana ba Etincelles baburanye,mu minota ya nyuma abakinnyi babo banyuzagamo bagatinza umukino, byatumye hongerwaho iminota 10 itishimiwe n’iyi kipe yari mu rugo. Byasabye AS Kigali gutegereza umunota wa 11 w’inyongera, ibona igitego cyo kwishyura cyatsinzwe na Sugira Ernest.

Kunganya uyu mukino byatumye AS Kigali igira amanota 16 ku mwanya wa kabiri, ikomeza kurushwa inota rimwe na Kiyovu Sports, yo yanganyije na Gasogi United igitego 1-1 i Nyamirambo.

Etincelles yagize amanota atatu mu mikino umunani, gusa ikomeje kwerekana imbaraga zidasanzwe nyuma yo kuzana umutoza Bizimana Abdul uzwi nka "Bekeni."

Abafana bashakaga gukubita abasifuzi byatumye polisi ihitamo kubanyuza ahari igice gitwikiriye (VIP) kuko abafana bari bategeye ku rwambariro.

APR FC yatsinze Bugesera FC 2-1,byatsinzwe na Mugunga Yves na Mugisha Gilbert mu gihe Bugesera FC yatsindiwe na Ishimwe Elie.

Hakinwaga umukino w’umunsi wa 8 wa Shampiyona gusa APR FC yakinaga umukino wayo wa gatanu wa Shampiyona dore ko ubu ifite n’ibirarane bitatu.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mushiki wa Cristiano Ronaldo yibasiye bikomeye Perezida wa Real...

Mushiki wa Cristiano Ronaldo, Katia Aveiro yibasiye perezida wa Real...
13 August 2022 0

Willian watengushye Arsenal yahungiye mu Bwongereza abafana bamubwiraga ko...

Uwahoze ari umukinnyi wa Chelsea na Arsenal, Willian yavuye mu ikipe ya...
13 August 2022 0

Patriots BBC yasubiriye REG BBC abafana bayita umugore, inasoza shampiyona...

Ni umukino wari ishiraniro cyane ko aya makipe asanzwe ahangana cyane kuva...
13 August 2022 0

Lionel Messi yabuze mu bahatanira Ballon d’Or bwa mbere kuva...

Ikinyamakuru France Football cyatangaje abakinnyi 30 bahatanira Ballon d’or...
12 August 2022 0

"Turashaka kubaka ikipe igera muri Afurika hose bagatitira"-Perezida wa AS...

Ikipe ya AS Kigali yakoze ikiganiro n’abanyamakuru cyagarutse ku migabo...
12 August 2022 0

UEFA yatangaje abakinnyi 3 bazatorwamo uwahize abandi mu mwaka...

Ishyirahamwe ry’umuira w’amaguru ku mugabane w’i Burayi ryamaze gutangaza...
12 August 2022 1