Abafana ba Liverpool basanzwe bazwiho kugira imyitwarire idasanzwe irimo n’idahwitse bagiye kuri Hoteli INNSiDe ikipe ya Real madrid icumbitsemo baturitsa ibishashi byinshi cyane bisakuza cyane mu rwego rwo kubuza abakinnyi kuruhuka.
Aba bafana bagiye hafi y’iyi hoteli mu rukerera baturitsa ibi bintu bisakuza mu rwego rwo kubangamira abakinnyi ba Real Madrid ngo ntibatore agatotsi umukino wa nijoro ubagore.
Mu ijoro ryo kuri uyu wa Kabiri,aya makipe yombi arakina umukino ubanza wa 1/16 (...)

Sponsored Ad

Abafana ba Liverpool basanzwe bazwiho kugira imyitwarire idasanzwe irimo n’idahwitse bagiye kuri Hoteli INNSiDe ikipe ya Real madrid icumbitsemo baturitsa ibishashi byinshi cyane bisakuza cyane mu rwego rwo kubuza abakinnyi kuruhuka.

Aba bafana bagiye hafi y’iyi hoteli mu rukerera baturitsa ibi bintu bisakuza mu rwego rwo kubangamira abakinnyi ba Real Madrid ngo ntibatore agatotsi umukino wa nijoro ubagore.

Mu ijoro ryo kuri uyu wa Kabiri,aya makipe yombi arakina umukino ubanza wa 1/16 cy’irangiza muri UEFA Champions League ku kibuga cya Anfield.

Amashusho yashyizwe kuri Twitter yagaragaje ibishashi byinshi biturikira hafi y’iyi hoteli mu rukerera rwo kuri uyu wa Kabiri ndetse abapolisi bavuga ko bageze aha hantu saa sita na 55 z’ijoro.

Abakinnyi ba Real Madrid bageze kuri iyi hoteli y’inyenyeri 4 ahagana saa saba z’amanywa zo kuwa Mbere ndetse amashusho yashyizwe hanze n’Ikinyamakuru El Partidazo de COPE,cyo muri Espagne yerekanye ibi bishashi biturika mu gihe kingana n’amasegonda 30.

Umukino urahuza Liverpool na Real Madrid iri joro ni umukino wa nyuma wa Champions League y’umwaka ushize wisubiyemo kuko aya makipe yahuriye i Paris hanyuma Real Madrid igatsinda igitego 1-0 cya Vinicius Jr.

Umuvugizi wa Polisi ya Merseyside yavuze ko bitemewe ku muntu w’ikigero icyo aricyo cyose guturikiriza ibishashi ahantu haba abantu.

Iyi polisi yasohoye itangazo ivuga ko bikimara kuba bahise bahagera kugira ngo babihagarike gusa ntabwo babashije gufata umuntu n’umwe mu bari babiri inyuma.