Abakinnyi batatu ba Real Madrid batawe muri yombi mu gitondo cyo kuwa Kane tariki ya 14 Nzeri, bazira guhererekanya amashusho y’urukozasoni arimo umukobwa utarageza ku myaka y’ubukure wari inshuti y’umwe muri bo.

Bivugwa ko nyina w’uyu mwana yagiye kuri polisi nyuma y’uko umwe muri aba bakinnyi batatu akwirakwije amashusho y’umwana we muri bagenzi be akora imibonano mpuzabitsina.

Bivugwa ko uyu mukinnyi yoherereje iyo videwo abandi,nkuko ikinyamakuru cyizewe cyo muri Esipanye cyitwa El Confidencial kibitangaza.

Iperereza kuri aba bakinnyi ba Real, batavuzwe amazina, ngo rirakomeje.

Ariko byasobanuwe ko abafashwe ari umukinnyi wo mu bato, umukinnyi w’ikipe ya kabiri ndetse n’uw’ikipe ya gatatu".

Iperereza ngo riyobowe n’abashinzwe umutekano wa rubanda muri Gran Canaria.

Iki kinyamakuru kivuga ko ibi birego birimo abakinnyi benshi ndetse bishoboka ko harimo n’abo mu ikipe ya mbere ya Real Madrid.