Abakinnyi 6 bamaze gutsinda Hat-trick muri Premier League uyu mwaka
Yanditswe: Monday 06, Feb 2017
Gutsinda ibitego 3 mu mukino umwe si ikintu kiba cyoroshye, cyane cyane ko n’ubikoze abihemberwa, iyo bigeze muri shampiyona y’u Bwongereza biba ibindi bitewe n’ihangana ribarizwayo, gusa uyu mwaka w’imikino mu Bwongereza Hat-trick zararumbye ugerereranyije n’umwaka ushize, kuko ubu abakinnyi 6 bonyine aribo bamaze kuzitsinda mu gihe mu mwaka ushize bageraga kuri 14.
Dore abakinnyi 6 bamaze gutsinda Hat-trick muri Premier League uyu mwaka w’imikino.
6. Jamie Vardy - Leicester City Uyu (...)
Gutsinda ibitego 3 mu mukino umwe si ikintu kiba cyoroshye, cyane cyane ko n’ubikoze abihemberwa, iyo bigeze muri shampiyona y’u Bwongereza biba ibindi bitewe n’ihangana ribarizwayo, gusa uyu mwaka w’imikino mu Bwongereza Hat-trick zararumbye ugerereranyije n’umwaka ushize, kuko ubu abakinnyi 6 bonyine aribo bamaze kuzitsinda mu gihe mu mwaka ushize bageraga kuri 14.
Dore abakinnyi 6 bamaze gutsinda Hat-trick muri Premier League uyu mwaka w’imikino.
6. Jamie Vardy - Leicester City
Uyu mwongereza ukinira ikipe ya Leicester City bitandukanye n’umwaka washize umuntu yavuga ko uyu utamuhiriye, kuko umwaka washize yafashije ikipe ye kwegukana igikombe cya shampiyona ndetse anatsinda ibitego byinshi, gusa uyu mwaka gutsinda bisa nibyamwihishe, ariko na none ntitwakwirengagiza ko ari umwe mu bakinnyi 6 bamaze gutsinda Hat-trick muri uyu mwaka w’imikino aho tariki ya 10 Ukuboza 2016 mu bitego 4-1 Leicester City yatsinze Manchester City Vardy yatsinzemo 3.
5.Harry Kane- Tottenham Hotspurs
Mu mukino wa shampiyona wabaye tariki ya 14 Mutarama 2017, ikipe ya Tottenham igatsinda West Brom 4-0, Harry Kane yitsindiyemo 3, igitego yatsinze ku munota wa 12, 77 na 82.
4. Andre Gray-Burnley
Tariki ya 31 Ukuboza 2016, mu mukino Burnley yanyagiyemo Sunderland 4-1, Gray mu minota 22 yitsindeyemo ibitego 3, ku munota wa 31, 51 na 53.
3. Alexis Sanchez- Arsenal
Iminota 16 gusa niyo yari ikenewe, ku munota wa 70, 80 n’uwa 86 tariki ya 3 Ukuboza 2016 byari bihagije ngo Alexis Sanchez abe amaze gutsinda ibitego 3 muri 5-1 ikipe ya Arsenal yatsinze West Ham.
2. Salomón Rondón- West Brom
Mu mukino West Brom yatsinzemo Swansea ibitego 3-1 byose bya Salomón Rondon hari tariki ya 14 Ukuboza 2016, akaba yarabitsinze mu minota 13, uwa 50, 61 na 63.
1.Romelu Lukaku- Everton
Lukaku umubuligi ukinira ikipe ya Everton, tariki ya 12 Nzeri 2016 byamusabye iminota 11 ngo abe amaze gutsindira ikipe ya Everton ibitego 3 muri 3-0 batsinze Sunderland. Ni ibitego yatsinze ku munota wa 60, 68 na 71.
Leave a Reply
Your email address will not be published. Required fields are marked *