skol
Kigali

Abakinnyi ba Argentina bakoreye agashya Lionel Messi bamwifuriza isabukuru nziza

Imyidagaduro   Yanditswe na: Dusingizimana Remy 25 June 2021

Rutahizamu Lionel Messi yujuje imyaka 34 ku munsi w’ejo ubwo yari kumwe na bagenzi bakinana muri Argentina mu irushanwa rya Copa America bituma aba bakinnyi bamutungura.


Aba bakinnyi Messi abereye kapiteni bitwikiriye ijoro bajya gukangura uyu mukinnyi barangije bamuha impano bari bamuteguriye.

Zimwe mu mpano yahawe zirimo icupa ry’amazi,ingofero y’abakinnyi ba Baseball,n’icupa ry’umuvinyo.

Bafashe umutsima wanditseho ngo isabukuru nziza,aba bakinnyi bakoze ibishoboka byose bizihiza uyu munsi w’isabukuru ye mu gicuku.

Abakinnyi barimo Angel Di Maria na Otamendi ndetse n’abandi benshi bahaye Messi impano zitandukanye.

Messi yishimiye ibyo bagenzi be bamukoreye ariko Sergio Aguero bararana mu cyumba kimwe yababajwe nuko bamukanguye yiryamiye ndetse ngo yasubiye kwiryamira aho kwishimana n’abandi.

Mu mashusho yashyizwe hanze na Messi,yagaragaje Aguero afata ibiryamirwa yisubirira mu buriri cyane ko iyi kipe yabo iri kureba uko yatwara Copa America iri kubera muri Brazil.

Messi abinyujije kuri Instagram yagize ati “Mwakoze cyane kubera uyu munsi mwiza.Nubwo ntari kumwe n’umuryango wanjye nkumbuye cyane ubu.”

Messi na bagenzi be bakinana ntibemerewe gusohoka muri hoteli bacumbitsemo kubera icyorezo cya Covid-19 kimeze nabi ku isi.

Argentina iyoboye itsinda A n’amanota 7 nyuma yo gutsinda igitego 1-0 amakipe nka Uruguay na Paraguay ndetse no kunganya na Chile 1-1.

Messi ari hafi kongera amasezerano y’imyaka 2 mu ikipe ya FC Barcelona yakiniye ubuzima bwe bwose kugeza ubu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Messi yahishuye amakipe aha amahirwe yo kugora PSG muri UEFA Champions...

Umunyabigwi mu mupira w’amaguru ukinira PSG, Lionel Messi, yashyize...
14 October 2021 0

Ombolenga agiye kumara ukwezi kose adakinira APR FC

Omborenga Fitina, umunyarwanda ukina ku ruhande rw’iburyo yugarira muri APR...
14 October 2021 0

Wa munya Brazil waje gukinira Rayon Sports yavuze intego ikomeye imuzanye...

Rutahizamu ukomoka muri Brazil,Chrismar Malta Soares,waje gukinira Rayon...
14 October 2021 1

Agnes Tirop wahagarariye Kenya mu mikino Olimpike i Tokyo yiciwe mu rugo...

Ibitangazamakuru byo mu gihugu cya Kenya biri kuvuga cyane ku rupfu rwa...
13 October 2021 0

N’golo Kante yakoze ku mutima abakozi bo muri Resitora yagiye gufatiramo...

N’golo Kante yongeye kwerekana ko ari we mukinnyi wicisha bugufi kurusha...
13 October 2021 0

Edinson Cavani yasabwe gukora ikintu gikomeye kubera Cristiano...

Rutahizamu Edinson Cavani yasabwe kuva muri Manchester United kubera ko...
13 October 2021 0