Abakinnyi ba Inter Milan barimo umunyezamu Andre Onana na Edin Dzeko bashwaniye bikomeye mu mukino bakinaga na FC Portowa 1/16 cya UEFA Champions League.
Umunyezamu Onana yafashwe na mugenzi we Hakan Calhanoglu ubwo yatukanaga na rutahizamu Dzeko.
Uku gushwana kwabaye mu gice cya kabiri cy’uyu mukino Inter Milan yatsinzemo Porto igitego 1-0 mu irushanwa rya Champions League.
Onana yarakariye Dzeko ubwo yari amaze kumubwira ngo nareke gusakuriza umusifuzi.
Uyu rutahizamu yasabaga kureka (...)

Sponsored Ad

Abakinnyi ba Inter Milan barimo umunyezamu Andre Onana na Edin Dzeko bashwaniye bikomeye mu mukino bakinaga na FC Portowa 1/16 cya UEFA Champions League.

Umunyezamu Onana yafashwe na mugenzi we Hakan Calhanoglu ubwo yatukanaga na rutahizamu Dzeko.

Uku gushwana kwabaye mu gice cya kabiri cy’uyu mukino Inter Milan yatsinzemo Porto igitego 1-0 mu irushanwa rya Champions League.

Onana yarakariye Dzeko ubwo yari amaze kumubwira ngo nareke gusakuriza umusifuzi.

Uyu rutahizamu yasabaga kureka ibyo kuvugana n’umusifuzi agatera umupira imbere bagakina hanyuma uyu munyezamu ahita amutuka barashwana.

Onana asa n’uwabwiye Dzeko ngo ’ceceka’ arangije anamutunga intoki ababaye.

Mugenzi wabo Calhanoglu yahise ahagoboka ashyira ikiganza ku munw wa Onana amubuza gukomeza gutukana.

Nubwo habayeho uku gushwana igitego cya Romelu Lukaku ku munota wa 86 w’umukino cyafashije Inter kwizigamira impamba izajyana mu mukino wo kwishyura.

Ibi bije nyuma y’iminsi mike Lukaku ashwanye na mugenzi we Nicolo Barrella bakinana muri Inter mu mukino bakinaga na Udinese.

Mu wundi mukino wa Champions League wabaye kuri uyu wa Gatatu,Man City yanganyije igitego 1-1 na Leipzig.