Iminota 45 y’umukino wo kwishyura wa 1/2 cya UEFA Champions League waraye uhuje Liverpool na Villarreal cyarangiye mu bwoba bwinshi ku bafana b’iyi kipe yo mu Bwongereza kuko impamba yayo yari ishize.
Icyizere cya Liverpool cyo kugera ku mukino wa nyuma wa Champions League cyasaga nk’ikiri mu kaga gakomeye nyuma yo kwishyurwa ibitego 2-0 yari yatsinze mu mukino ubanza ariko umutoza Klopp yaje guhindura umukino bitangaje mu gice cya kabiri.
Myugariro Alexander-Arnold yatangaje ko Klopp (...)

Sponsored Ad

Iminota 45 y’umukino wo kwishyura wa 1/2 cya UEFA Champions League waraye uhuje Liverpool na Villarreal cyarangiye mu bwoba bwinshi ku bafana b’iyi kipe yo mu Bwongereza kuko impamba yayo yari ishize.

Icyizere cya Liverpool cyo kugera ku mukino wa nyuma wa Champions League cyasaga nk’ikiri mu kaga gakomeye nyuma yo kwishyurwa ibitego 2-0 yari yatsinze mu mukino ubanza ariko umutoza Klopp yaje guhindura umukino bitangaje mu gice cya kabiri.

Myugariro Alexander-Arnold yatangaje ko Klopp atigeze yishimira imikinire y’ikipe ye mu gice cya mbere anashishikariza ikipe gusubira gukina umupira wabo usanzwe.

Abajijwe ibyavuzwe mu kiruhuko cy’igice cya mbere, Alexander-Arnold yabwiye BT Sport ati: ’Twari dukeneye gukina uko dusanzwe gukina. Ntabwo twigeze dukina umupira mu gice cya mbere.

’Ntabwo twigeze dufata umupira numwe wa kabiri na gato kuko bakinnye umukino bashaka natwe tubemerera kubikora.

Byatugoye, nkuko nabivuze ntabwo twakinnye umupira, ariko igice cya kabiri twasohotse, twakinnye uko dusanzwe dukina, tugenzura umukino neza cyane.

Van Dijk nawe yashimye uko Klopp yababwiye gukina igice cya kabiri, maze abajijwe icyo umutoza wa Liverpool yavuze mu kiruhuko arasubiza ati: ’Mukina cyane,mukine umupira,mukine mu buryo bwa Liverpool, uko twakinnye muri uyu mwaka w’imikino wose.

’Mufate umupira,mwihute cyane ku mupira ariko nanone mu kibuga cyabo, bafite ubwugarizi bukomeye, ariko umuvuduko dufite tugomba kuvanga ibyabo.

Van Dijk yakomeje agira ati "Ariko nanone twagombaga kwerekana cyane ko dushaka rwose kujya ku mukino wa nyuma, kandi niko byatangiye. Igice cya kabiri twabaruhije kandi dukina neza. "

Liverpool yakinnye igice cya mbere kibi cyane kurusha ibindi byose yakinnye muri uyu mwaka w’imikino,byatumye ijya ku nkeke ndetse icyizere cyayo cyo kwegukana ibikombe bine uyu mwaka kijya mu kangaratete.

Iminota 60 y’umukino yashize aya makipe anganya ibitego 2-2 ku giteranyo cy’umukino ubanza n’uwo kwishyura.

Ariko Fabinho, Luis Díaz winjiye mu gice cya kabiri, na Sadio Mané buri umwe yinjije igitego, batuma Liverpool izaba iri i Paris ku itariki ya 28 y’uku kwezi kwa gatanu, ku mukino wa nyuma izahuramo na Real Madrid cyangwa Manchester City.

Liverpool ni yo kipe ya mbere yo mu Bwongereza igeze ku mukino wa nyuma wa European Cup/Champions League, FA Cup na League Cup mu mwaka umwe w’imikino.

Liverpool izakina umukino wa nyuma muri buri rushanwa yitabiriye muri uyu mwaka w’imikino - yatwaye Carabao Cup igera no ku mukino wa nyuma wa FA Cup (aho izakina na Chelsea) no ku mukino wa nyuma wa Champions League.

Iracyashobora kuba yaba ikipe ya mbere yo mu Bwongereza itsindiye ibikombe bine mu mwaka umwe w’imikino, ari byo Champions League, Premier League, FA Cup na League Cup.