Abakinnyi ba Manchester United barashinja uruganda rwa adidas kubakorera imyenda ibafashe cyane byatumye bamwe batayambara.

Nk’uko ikinyamakuru The Mail kibitangaza ngo bamwe mu bakinnyi ba United ntibishimiye abakora imyenda yabo kuko ngo ibafashe cyane byatumye bambara inyiganano.

Amakuru avuga ko bamwe mu bakinnyi batigeze bongera kwambara amasogisi bakorewe nyuma y’umukino wa kabiri wa shampiyona batsinzwemo na Tottenham ibitego 2-0 muri Kanama.

Andre Onana yagize ibibazo ku myenda ye kuko yari yambaye umupira wagenewe abakinnyi umwegereye kurusha uw’abafana.

Ariko, uyu mukinnyi yumvise umufashe bikabije yiyambarira umwiganano.

Umunyezamu De Gea nawe mu minsi yashize yanenze imyenda bamukoreraga.

Abandi bakinnyi ba United bagaragaje ko batishimiye amasogisi kuko ngo yari abafashe cyane mu mbwana.

Bamwe barayaciye inyuma ariko amaherezo ikipe yarayahinduye ibaha ayagenewe abafana nk’igisubizo cy’igihe gito.

Iyi kipe na adidas ntacyo batangarije Daily Mail kuri iki kibazo ariko iyi sosiyete ikora imyenda biravugwa ko iri gushakisha igisubizo.

Man United ikomeje kunyagirwa umusubizo kuko yaraye inyagiwe na Newcastle ibitego 3-0 mu mukino yakoresheje abakinnyi ibanza mu kibuga mu gihe iyi kipe yari yabasuye yari yanakoze impinduka.