Mbere yo kwerekeza muri Tanzania gukina na Young Africans mu mukino wa kabiri wo mu itsinda D muri CAF Confederations Cup,abakinnyi b’ikipe ya Rayon Sports bifotoje bambaye ama kositimu baherutse guhabwa n’umuterankunga w’iyi kipe SKOL.

Aba basore bafite akazi gakomeye ko kwivana kuri Uwanja wa Taifa mu mugi wa Dar Es Salaam,bifashe amafoto y’urwibutso baberewe n’izi kositimu bagomba guserukana berekeje muri Tanzania.

Nyuma yo kunganya na Gor Mahia igitego 1-1 mu mukino wa mbere wo mu matsinda,ikipe ya Rayon Sports igomba kwerekeza muri Tanzania gushaka amanota 3 yayo ya mbere kuri Young Africans yo yanyagiwe na USM Alger ibitego 4-0 mu mukino wa mbere.

Rayon Sports irahaguruka mu Rwanda kuri uyu wa Mbere saa Tanu z’ijoro,idafite Usengimana Faustin ufite amakarita abiri y’umuhondo mu gihe Yannick Mukunzi ashidikanywaho.

Kwizera Pierrot ameze neza nyuma y’uburwayi yari amaranye iminsi bwatumye atagaragara mu mikino iheruka ya Rayon Sports.

AMAFOTO: NTARE Julius/ RuhagoYacu